FIPA jaialdia abian da Biarritzen
FIPA ikus-entzunezkoen Biarritzeko jaialdiak ateak ireki ditu, eta hilaren 25era arte jardungo dira parte-hartzaileak ikus-entzunezkoen egoera aldagarriari begira. Hiru aldetatik begiratuko diote ekoizpenari: transmedia ikuspegitik, industriaren ikuspegitik, programa ofizialean txertatuta lehenengoz, eta alde artistikotik, noski.
Ohiko nazioarteko lehiaketatik harago, antolatzaileek ikuspegi zabalagoko apustua egin dute 27. edizio honetarako.
Smart Fip@ sail berrian, transmedia proiektuei begiratuko diete. Ostegun eta ostiralean, FIPAren egoitza nagusian, Bellevuen, joera berrienak eta euskarri baterako baino gehiagotarako pentsatutako proiektuak aztertuko dituzte.
FIPA Industry saila estreinatuko dute aurten, gainera. Profesionalei begira egindako atala da, eta industriako ekintzaileek harremanak estutzea bilatuko dute bertan.
Esparru artistikoari dagokionez, 25 herrialdetako hirurogeita lau lanek parte hartuko dute sail ofizialean, sei atal hauetan: fikziozko lana, telesaila, dokumentala, erreportajea, musika eta ikuskizunak, eta Smart FIPA.
Nazioarteko topaketa hau ikus-entzunezko ekoizpenen industriako kideen topagune ezinbestekoa da, eta, esaterako, telebistako 120 saiok izango dute ordezkaritza bertan.
Iaz, 2.000 profesionalek parte hartu zuten FIPAn, eta 27.000 pertsona bertaratu ziren proiekzioetara.
Hitzarmena, Donostiako Zinemaldiarekin
Donostia Zinemaldiak, Ibaia Ikus-entzunezkoen Euskal Ekoizle Burujabeen Elkarteak eta Biarritzeko FIPA Ikus-entzunezko Programen Nazioarteko Jaialdiak ikus-entzunezko industria sustatzeko lankidetza hitzarmena adostu dute.
Hiru erakundeetako ordezkari nagusiak izan dira akordioa sinatzeko ekitaldian: Francois Sauvagnargues, FIPAko zuzendari nagusia; Jose Luis Rebordinos, Donostia Zinemaldiko zuzendaria; eta Joxe Portela, IBAIAko lehendakaria. Hiru erakundeek 2007an hasitako lankidetza konpromisoaren bidean aurrera egitea ahalbidetuko du akordioak, urte hartan sinatu baitzuten harreman esparru berri hau indartzeko oinarriak jarri zituen lehen hitzarmena.
Zure interesekoa izan daiteke
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.