Paco Leonen 'Carmina' bueltan, eta Woody Allen Turturroren aginduetara
“Carmina y amen” zuzendari gisa egindako bigarren lanean, Paco Leonek amarengana eta arrebarena jo du berriro, aktore zerrenda osatzeko. Carminak senarra zenaren heriotzaren berri ez ematea erabaki du, haren laneko ordainsaria kobratzeko. Maria alabarekin elkarlanean, hilotza bi egunez ezkutatuta eduki behar izango dute, Sevillako auzokideen aurrean doluan sartuta dauden plantak egiten dituzten bitartean.
“Divergente” filma zuzentzeko, Neil Burger Veronica Rothen eleberri batean oinarritu da, eta Shailene Woodley, Theo James eta Kate Winslet jarri ditu bere aginduetara. Akziozko thriller futuristan, Tris Priorrek (Shailene Woodley) Kate Winsletek gorpuzten duen pertsonaia buru duen konspirazio bat azaleratuko du: ezberdinak diren guztiak hil nahi dituzte.
“Aprendiz de gigoló” lanean, John Turturrok luxuzko aktoreak erabili ditu: Woody Allen, Sharon Stone, Sofia Vergara eta Vanessa Paradis. Bi adineko juduren (Allen eta Turturro) istorioa kontatzen du: erreka jota daude, zentimorik gabe, eta, horren aurrean, gizonezkoen prostituzioan saiatuko dira, bata gigoló gisa eta beste ordezkari gisa.
“No se aceptan devoluciones” mexikar pelikulan, Eugenio Derbez zuzendariak Valentinen abenturak erakusten ditu. Bikotekiderik gabeko bizizalea da, baina goizetik gauera Maggie alaba txikia zaindu beharko du.
“El gran cuaderno” hungariarrak Bigarren Mundu Gerrari begiratzen dio. Biki batzuk amamaren etxera eramango dituzte, gerrako gehiegikerietatik ihesi. Han, bizipenak koaderno batean idatziko dituzte, gauero-gauero, eta kontaketa horren bidez, haien heldutasunerako bidearen hariari jarraitu ahalko zaio.
“The lunchbox” amodiozko istorio bat da: jatekoa banatzeaz arduratzen den langilearen akats baten ondorioz, etxekoandre gazte bat eta gizon heldu bat harremanetan jarriko dira, eta jakiontzian elkarri uzten dizkioten mezuen bidez komunikatuta jarraituko dute.
Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.