'A pigeon sat on a branch reflecting on existence' nagusi Venezian
Roy Andersson zuzendari suediarraren A pigeon sat on a branch reflecting on existence filmak irabazi du Veneziako 71. Mostrako film onenaren Urrezko Lehoia. Alejandro Gonzalez Iñarrituren Birdman filma, berriz, esku hutsik gelditu da sariren bat irabazteko hautagaietako bat bazen ere. Epaimahaiak Hungry Hearts filmeko Adam Driver eta Alba Rohrwacher aktoreak ere saritu ditu, eta horientzat izan dira gizonezko aktore onenaren eta emakumezko aktore onenaren sariak.
Andersson zuzendariak inspirazio iturri izan dituen zuzendari italiarrei eskaini die saria, bereziki, Vitorio de Sica zinegileari. A pigeon sat on a branch reflecting on existence filma trilogia baten hirugarren atala da. Azken filmean, giza portaera zentzugabeari buruzko eguneroko 39 eszena erakusten dira bata bestearen segidan.
Zuzendari onenaren Zilarrezko Lehoia Andrei Konchalovski zinegile errusiarrari eman diote, The Postman's White Nights filmean egindako lanagatik. Filma benetako ikerketa batean oinarrituta dago, eta profesionalak ez diren aktoreak dira filmeko protagonistak. Errusiako landa eremuko herri bateko bizitza islatzen du. Aleksei Triapitsyn postaria da, eta bera da Kenozero lakuko biztanleentzat kanpoko munduarekin duten kontaktu bakarra.
The look of silence Indonesiako genozidioari buruzko dokumentalak bi sari irabazi ditu: Epaimahaiaren Sari Nagusia eta Nazioarteko Kritikaren FIPRESCI Saria.
Aktoreen alorrean, epaimahaiak Hungry Hearts filmeko Adam Driver eta Alba Rohrwacher aktoreak saritu ditu. Guraso izatear dagoen bikote baten bizitza du oinarri aipaturiko filmak. Amak zeloak ditu haurraren zainketa dela eta, gaiarekin obsesionatzera iristeraino. Bere bikotekidea egoera ulertzen saiatuko da hasiera batean, baina azkenean neurriak hartzea erabakiko du.
Bestalde, Rakhshan Banietemad irandarrak irabazi du Gidoi Onenaren Saria Tales lanagatik. Gaur egungo Iranen kokatzen da istorioa, eta filmean "ikusezinak" diren pertsonai batzuen historiak gurutzatzen ira.
Kaan Mujdeci zinegile turkiarraren Sivas filmari eman diote, berriz, Epaimahaiaren Sari Berezia. Zinegilearen estreinako filma da, eta bertan haur eta txakur baten arteko laguntasuna kontatzen da.
Azkenik, Le dernier coup de marteau filmeko protagonistari, Alix Delaporte aktoreari eman diote aktore berri onenaren Marcello Mastroianni Saria.
Veneziako 71. Mostrako irabazleak
Film Oonenaren Urrezko Lehoia: A pigeon sat on a branch reflecting on existence (Zuzendaria: Roy Andersson).
Zuzendari onenaren Zilarrezko Lehoia: Andrei Konchalovsky (The Postman's White Nights).
Epaimahaiaren Sari Nagusia: The look of silence (Zuzendaria: Joshua Oppenheimer).
Epaimahaiaren Sari Berezia: Sivas (Zuzendaria: Kaan Müjdeci).
Gizonezko aktore onenaren Volpi Kopa: Adam Driver (Hungry Hearts).
Emakumezko aktore onenaren Volpi Kopa: Alba Rohrwacher (Hungry Hearts).
Aktore berri onenaren Marcello Mastroianni Saria: Romain Paul (Le dernier coup de marteau)
Gidoilari Onenaren Saria: Rakhsan Banietemad eta Farid Mostafavi (Tales).
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.