Coendarren berrienak irekiko du Berlinale, euskal zinema bertan dela
66. Berlinale jaialdia “Hail, Caesar” Joel eta Ethan Coen anaien lanak abiatuko du gaur. Oraingoan, betiko umore beltzaz, Hollywoodi begiratu diote zinemagileek, eta George Clooney bertako protagonistaren eskutik hasiko da Alemaniako hiriburuan izarren harat-honata ere, alfonbra gorrian zehar.
Gainera, aurpegi ezagunei dagokienez, Meryl Streep epaimahaiburuak eta Clive Owen epaimahaiko kideak ere bereganatuko dute kamerarien arreta. “Hail, Caesar” lehiaketatik at proiektatuko dute, eta Urrezko Hartza irabazteko 18 hautagaiak ikusi ahalko dira ondorengo egunetan.
Lehia horretan, besteak beste, André Téchiné frantziarraren, Thomas Vinterberg danimarkarraren, Danis Tanovic serbiarraren eta Rafi Pitts irandarraren filmak egongo dira.
Gainera, “Alone in Berlin”ek Emma Thompson aktorea atzera eramango du Berlinera, hainbat urtez joan gabe egon eta gero, eta Isabelle Huppert ere izango da bertan, “L’avenir” aurkezteko.
Hurrengo izar talde handia “Genius” Michael Grandageren kariaz helduko da Berlinalera; izan ere, Colin Frith, Jude Law, Nicole Kidman eta Laura Linney biltzen ditu lan horrek.
Bestalde, dokumentalaren eta fikzioaren artean kokatuta munduaren egungo egoerari begiratzen dioten bi film izango dira: “Fuocoammare” italiarrak etorkizun hobe baten bila Lampedusa uhartera heltzen diren pertsonen istorioak kontatzen ditu, eta “Zero Day” estatubatuarrak gerra zibernetiko baten mehatxuaz dihardu.
Berlinaleren ardatz, Dieter Kosslick zuzendariak azaldu duenez, migrazioak eta “zoriontsu izateko eskubidea” izango dira.
“Hail, Caesar”ez gain, sail ofizialak beste hainbat pelikula emango ditu lehiaketatik kanpo, hala nola “Chi Raq” Spike Leerena eta “Saint Amour”, Gerard Depardieu protagonista duen lana.
Halaber, Michael Moorek “Where to Invade Next” dokumentalaren Europako estreinaldia egingo du, eta Don Cheadlek Miles Davisi buruz eginiko lana ikusi ahalko da.
Ohorezko Hartza Michael Ballhausi emango dio, 66. edizio honetan, Berlingo zinemaldiak, eta David Bowie, Ettore Scola eta Alan Rickman gogoratuko ditu.
Guztira, hamar egunean, 430 film ikusi ahalko dira.
Euskal zinema
Basque Audiovisual, EAEko ikus-entzunezko sektorearen marka, Berlingo Nazioarteko Zinemaldian izango da, Eusko Jaurlaritzaren eta Zineuskadiren eskutik.
Gaur hasi eta otsailaren 20ra bitartean, ikus-entzunezko 32 euskal proiektuk osatzen duten katalogo zabala aurkeztu eta ezagutaraziko dute. 22 ekoiztetxeren lanak dira, dokumentalak edo fikziozko film luzeak gehienbat, oso fase ezberdinetan daudenak: amaiturik batzuk, garapen fasean, produkzioan edo postprodukzioan.
Gainera, Bilboko, Donostiako eta Gasteizko Film Commission-ekin elkarlanean, Euskal Autonomia Erkidegoan zinemarako grabazioak egiteko dauden lokalizazioen berri ere emango dute Berlinalen.
Azkenik, Glocal Cinema: big stories, small countries manifestua sinatu zuten 15 herrialde eta eskualdeetako institutu zinematografikoen gainerako ordezkariekin bilduko da Jaurlaritzaren ordezkaritza.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.