'Negociador'ek abiatuko du Euskal Zinemaren 32. Astea
Euskal Zinemaren 32. Astea astelehenean, otsailak 22, hasiko da, Gasteizen, Negociador filmaren proiekzioarekin. Hain zuzen ere, Cobeagarena izango da otsailaren 22tik 27ra Arabako hiriburuan ikusi ahalko diren lanetako bat, lehenengoa, baina haren atzetik beste euskal pelikula batzuk helduko dira, hala nola Amama, Un otoño sin Berlín eta Rey gitano.
Jose Luis Ramos topagunearen koordinatzaileak azaldu duenez, aurtengo ediziorako makina bat pelikula izan dituzte aukeran, eta “etxekoengan pentsatuz” hautatu dituela adierazi du: “Puri-purian ez egonagatik, nahiz eta ezezagunagoak izan, kategoriako filmak dira”.
Halaber, pelikulak aukeratzeko orduan “kasu nork egiten digun” ere kontuan hartu behar dela aitortu du; izan ere, zuzendari batzuek Gasteizi “alergia” diotela dirudiela esan du Ramosek: “32 Aste daramatzagu dagoeneko, eta oraindik ez dut lortu Alex de la Iglesia etortzea, adibidez”.
Astelehenetik, hilak 22, larunbatera, film luze eta film labur bana proiektatuko dute iluntzero, Vital Kutxa Fundazioaren aretoan, Dendaraban. Gainera, larunbatean, Olentzero eta Amilaren sekretua umeentzako filma ere emango dute, eta emanaldi horretan bildutako diru guztia Minbizia duten Umeen Gurasoen Arabako Elkartearentzat izango da.
Aste osoan zehar, film luze hauek ikusi ahalko dira: Negociador (Borja Cobeaga), Felices 140 (Gracia Querejeta), Amama (Asier Altuna), Un otoño sin Berlín (Lara Izagirre), Rey Gitano (Juanma Bajo Ulloa) eta Berserker (Pablo Hernando).
Aurten, lehenengoz, jaialdiko jardunaldi guztietarako bonua erosi ahalko da, Ramosek azaldu duenez, eta, aurrekoetan bezala, proiekzioen amaieran solasaldia egongo da eta bertaratutakoek film luze eta labur onenaren aldeko botoa emango dute. Larunbatean iragarriko dituzte film saridunak, eta antolatzaileek 'Gutako bat' saria emango diote zinema munduko Arabako profesional bati.
Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.