Wes Andersonen animaziozko film batek zabalduko du Berlinale
“Isle of Dogs” filmak abiatuko du Berlingo zinema jaialdia ostegunean, hilak 15. Alkate ustel batek deportatutako txakurraren bila ari den hamabi urteko mutikoaren istorioa kontatzen du Wes Anderson zinemagileak animazioa erabiliz egindako bigarren pelikulak, eta Hartzak irabazteko 19 lehiakideetako lehena izango da Tom Tykwer zuzendari alemana buru duen epaimahaiaren azterketa pasatzen.
“Isle of Dogs” pelikularekin itzuliko da Berlinera Anderson, 2001ean (“The Royal Tenenbaums”) eta 2004an (“Life Aquatic”) lehian parte hartu eta 2014an “The Grand Hotel Budapest”ekin epaimahaiaren sari berezia irabazi eta gero.
Hurrengo hamaika egunetan, zinemako izar asko bertaratuko dira Alemaniako hiriburura, besteak beste Joaquin Phoenix eta Isabelle Huppert aktoreak eta Willem Dafoe, Berlinaleko Ohorezko Urrezko Hartza jasoko duena.
Berlinaleko sail guztietan, 400 bat pelikula proiektatuko dituzte, eta 300.000 sarrera jarri dituzte salgai, Cannes ez bezala herritarrentzako jaialdia dela erakusteko.
Sr y Sra, euskal ordezkaritza Berlinen
Aritz Moreno zuzendariak eta Leire Apellaniz ekoizleak, Sr. y Sra.-k, “Ventajas de viajar en tren” Antonio Orejudoren eleberria pantaila handirako egokitzeko proiektua aurkeztuko dute Berlinale Co-Production Market azokan. 321 proiekturen artean aukeratu dute Sr. y Sra.-rena.
Zure interesekoa izan daiteke
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".
Alauda Ruiz de Azuak, "Los domingos" filmaren zuzendariak, Goya sarietarako 13 izendapenak ospatu ditu
Alauda Ruiz de Azua Los domingos filmeko zuzendari bizkaitarrak Goya sarietarako jaso duen babesa ospatu du astearte honetan. Izendapen horiek hunkitu egin dutela dio, bere lan ingurunea asko zaintzen duelako, "nire aliatuak direla sentitzen dut beti".
Jose Mari Goenaga: "Pelikularen bizialdia luzatzea, izendapen eta sarien bitartez, oso garrantzitsua da"
Jose Mari Goenaga, Maspalomas filmaren zuzendarietako bat, oso pozik agertu da Goya sarietan 9 izendapen jaso berritan. Bereziki poztu du Kandido Uranga aktore-taldeko aktore onenaren sarirako izendatuta egoteak. Sariek eta izendapenek pelikularen bizialdia luzatzen dutela uste du, eta horrek promoziorako duen garrantzia azpimarratu du.
"Los domingos" eta "Maspalomas" izendatu dituzte Goya sarietako film onena izateko
47 euskal profesional eta film izendatu dituzte Goya sarietarako. EITBren parte hartzea duten hiru filmek 13 izendapen jaso dituzte. Gala Bartzelonan izango da, datorren otsailaren 28an.
"One Battle After Another" eta "Adolescence" nagusi, Urrezko Globoetan
Paul Thomas Anderson zuzendariaren filmak bete egin ditu aurreikuspenak; bederatzi izendapen zituen, eta lau sari jaso ditu. Serieen artean Adolescence izan da sarituena, lau bereganatuta.
'Gaua' filmeko jantziak herritarren eskura jarri dituzte ikusgai
Errenteriako Jantzien Zentroak Paul Urkijoren azken pelikulan erabili diren hainbat jantziren erakusketa antolatu du. XVII. mendean Euskal Herrian erabiltzen ziren jantzien erreplikak dira eta aberatsen eta herri xumearen artean zegoen aldea modu nabarmenean erakusten dute. Martxoaren 22a arte ikusgai egongo dira.