Ikusmira Berriak programak aukeratutako bost ekoizleak Donostian lanean ari dira
Ikusmira Berriak Zinemaldiak bultzatzen duen bizileku eta proiektu berritzaileen garapen programak bere ibilbidea hasi du, bost ekoizleak dagoeneko Tabakaleran bilduta direla.
Jose Luis Rebordinos Zinemaldiko zuzendariak, Ane Rodriguez Tabakalerako kultura-zuzendariak eta Carlos Muguiro Elias Querejeta Zinema Eskolako zuzendariak programa honen berritasunak aurkeztu dituzte ostiral honetan, prentsaurreko batean, aukeratutako zuzendariekin, eta proiektuetan lagunduko dieten aditu batzordeko kide Sergio Oksmanekin, Savina Neirottirekin eta Fodhla Cronin O' Reillyrekin batera.
Ikusmira Berriak programako laugarren edizioan parte hartzen duten bost gazteak 155 proposamenen artean aukeratu zituzten, eta astelehenean hasi zuten sei asteko egonaldia Tabakaleran, Sortzaileen Gunean.
Manuel Abramnovich, Nele Wohlatz, Elena Lopez Riera, Arantza Santesteban eta Grigory Kolomytsev pozik agertu dira, programa honetan parte hartzeagatik, izan ere, proiektu batean kontzentratzeko aukera paregabea ematen die.
2015ean martxan jarri zutenetik, programa honen baitan egin dituzten hiru film labur amaitu eta Zabaltegi sekzioan eman dituzte 2016an eta 2017an: "El extraño", Pablo Alvarezena; "Calipatria", Leo Calicena eta Gerhard Tremlena, eta "Gewndolyn Green", Tamyka Smithena. Aurten egoitza horietako emaitza den lehen film luzea estreinatuko dute, "Trote", Xacio Bañok zuzendutakoa. Lehenengo edizioan hartu zuen parte, eta Zabaltegi-Tabakaleran ere emango dute.
Jose Luis Rebordinosen hitzetan, Ikusmira Berriak "proiektu ezin hobea" da Zinemaldirako, Sekzio Ofizialean ere talentu berrien alde egiten duelako.
Bestalde, Ane Rodriguezek esan du programaren bosgarren edizioko deialdia abuztuaren 31ean amaituko dela. Aukeratutako pertsonen zerrenda urrian emango dute ezagutzera.
Zure interesekoa izan daiteke
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".
Alauda Ruiz de Azuak, "Los domingos" filmaren zuzendariak, Goya sarietarako 13 izendapenak ospatu ditu
Alauda Ruiz de Azua Los domingos filmeko zuzendari bizkaitarrak Goya sarietarako jaso duen babesa ospatu du astearte honetan. Izendapen horiek hunkitu egin dutela dio, bere lan ingurunea asko zaintzen duelako, "nire aliatuak direla sentitzen dut beti".
Jose Mari Goenaga: "Pelikularen bizialdia luzatzea, izendapen eta sarien bitartez, oso garrantzitsua da"
Jose Mari Goenaga, Maspalomas filmaren zuzendarietako bat, oso pozik agertu da Goya sarietan 9 izendapen jaso berritan. Bereziki poztu du Kandido Uranga aktore-taldeko aktore onenaren sarirako izendatuta egoteak. Sariek eta izendapenek pelikularen bizialdia luzatzen dutela uste du, eta horrek promoziorako duen garrantzia azpimarratu du.
"Los domingos" eta "Maspalomas" izendatu dituzte Goya sarietako film onena izateko
47 euskal profesional eta film izendatu dituzte Goya sarietarako. EITBren parte hartzea duten hiru filmek 13 izendapen jaso dituzte. Gala Bartzelonan izango da, datorren otsailaren 28an.