Jaurlaritzak Maite Iturberen jokabidea babestu du
Eusko Jaurlaritzak bere errespetua adierazi du, gaur, Eusko Legebiltzarrak Maite Iturbe EiTBko zuzendari nagusiari buruz hartutako erabakiarekiko. Eusko Legebiltzarreko Osoko Bilkurak Maite Iturbe "berehalakoan kargugabetzea" eskatu du ostegun honetan, oposizioko talde guztien aldeko botoekin. Hala ere, Eusko Jaurlaritzak EiTBko zuzendari nagusiaren jokabidea babestu du.
Eusko Legebiltzarreko oposizioko talde guztiek bat egin dute Maite Iturbe EiTBko zuzendari nagusia "berehalakoan kargugabetzea" eskatzeko, bere "kudeaketa txarragatik" eta EiTBn aurrera eramandako "lan-erregulazioko txostenarengatik". EAJ izan da Maite Iturberen kargugabetzea babestu ez duen alderdi bakarra.
Ohar batean, Eusko Jaurlaritzak gogoratu du EiTBko Administrazio Kontseiluak enplegu deialdi publikoaren deialdia onartu zuela apirilaren 29an eta talde parlamentario guztiek dutela ordezkaritza administrazio kontseilu horretan. Ildo horretan, gaineratu du Kontseiluaren % 70ak babestu zuela eta aurkako bi bozka bakarrik izan zirela.
Beraz, Euskal Irrati Telebistak gauzatu duena, adostutako eta EiTBko Administrazio Kontseiluak onartutako erabakia izan dela azpimarratu du. "Hori da materia honetarako gobernu organoa eta erabakiak onartu eta atzera bota ditzake. Hala dio EiTBren sorrera Legeko 8. artikuluak, zeinaren arabera, Administrazio Kontseiluari dagokio lanpostuen egonkortzeari eta lantaldeen aldaketei buruzko erabakiak hartzea", gaineratu du.
Egoera horren aurrean, talde parlamentarioek Administrazio Kontseiluaren baitan erabaki berri bat adosteko aukera daukate, baita gizarte ordezkariekin eta sindikatuekin ere. "Bien bitartean, EiTBko zuzendari nagusiak ezin du bere Kontseiluak onartutakoaren kontrako erabakirik hartu", amaitu du.
Zure interesekoa izan daiteke
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.
Ertzaintzaren operatiboaren buruak epailearen aurrean deklaratu du: "Hil egin nahi gintuzten"
Falangearen elkarretaratze baten aurrean kontramanifestazioa egiteagatik ikertzen ari diren sei pertsonak deklaratzeari uko egin diote. 22 agente zauritu ziren istiluotan, eta epaiketak aurrera jarraitzen du.
Pradalesek Europa batuagoa eta subiranoagoa izatea eskatu du, ordena global berriaren aurrean
Lehendakaria Munduko Ekonomia Foroan parte hartzen ari da aste honetan, eta paradigma globala aldaketzen ari dela ohartarazi du. Gainera, Europar Batasuna bateratuagoa eta burujabeagoa izatea eta erabakitzeko gaitasun handiagoa izatea eskatu du.
PSEk eta EAJk Gasteizko aurrekontuak hitzartu dituzte EH Bildurekin, hirugarren urtez jarraian
Gasteizko Udaleko gobernu taldeak (PSEk eta EAJk osatzen dute) EH Bildurekin adostu ditu aurtengo udal aurrekontuak, 2024koekin eta 2025ekoekin egin bezala, Rocio Vitero koalizio abertzalearen bozeramaileak iragarri duenez.