Araban, ezpatak airean azkeneraino
Alderdi Popularrak garaipen garbia lortu zuen duela lau urte Araban, eta, horri esker, Javier de Andresek eskuratu zuen Aldundia eta Javier Marotok, Gasteizko Alkatetza. Horien aurretik, Xabier Agirre jeltzalea eta Patxi Lazcoz sozialista izan ziren erakunde horiek gidatzen.
48 hilabete ondoren, denbora ez da alperrik pasatu inorentzat. Alderdi Popularrak Gasteizko alkatearen ospe eta protagonismoari eusten dio, EAEko zein Estatuko balizko gainbeherari aurre egiteko saiakeran.
Alderdi Sozialistak ere ataka txarra du aurrean. Cristina Gonzalezek egoera bereziki zaila jaso du bere aurretik Arabako idazkari nagusi izan zen Txarli Prietoren eskutik. Alderdiko barne arazoek bultzatuta, Gasteizko hautagaia aldatu eta, modu inprobisatuan, Peio Lopez de Munain beteranoaren alde egin behar izan zuen. Sozialisten nahia, erakundeetan lidergoa lortzea baino gehiago, beharrezkoak izango diren gehiengoetarako ordezkaritza ahalik eta onena lortzea litzateke.
Hori horrela, EAJ eta EH Bildu dira hauteskunde hauei begira baikorren dauden bi alderdiak. Inkesten arabera, Gasteizko Alkatetza Javier Maroto eta Gorka Urtaran jeltzalearen arteko kontua izango da, Bilduren baimenarekin. Lurraldeko lidergoa, ordea, bi alderdi abertzaleen arteko lehian argituko dela dirudi.
EAJk 2012ko hauteskunde autonomikoetan lortutako garaipena errepikatu nahi du. Krisi egoera bati aurre egiteko, egonkortasuna beraiek bermatuko dutela plazaratu nahi dute jeltzaleek. EH Bilduk, berriz, duela lau urte eskuratutako boto-kopuruak eman zion indarra lortu nahi du berriro, eta Europako hauteskundeetan EAJ garaitu zuen lurraldeko lehen indarra izatea du helburu.
Zaila da, nolanahi ere, iragarpenik egitea. Krisi ekonomikoak, ustelkeriak demokrazian eragindako kalteak eta agertoki honetan azaldu diren alderdi berriek asko korapilatzen dute soziologoen aurreikuspen lana.
Arabako bi gakoak honakoak izan litezke: Javier Marotok botoak erakartzeko duen gaitasunak PPren gainbehera ekiditea lortuko duen, batetik, eta alderdi berriek zenbateko ordezkaritza lortzen duten erakundeetan, horrek asko baldintzatu baitezake hauteskunde ondorenean beharrezkoak izango diren itunak.
Marotok jakin badaki alkate izateko gehiengo zabala behar duela. Egun, baina, inkestek ez diote halakorik iragartzen. Horrexegatik jarri du indarra etorkinei ematen zaien diru-laguntzen eztabaida plazaratzen. Badaki diskurtso horrek esparru politiko ezberdinetako boto-emaileen babesa lor dezakeela. Baina mezu horrek gainerako alderdiekin sortu duen haustura konpontzea oso zaila izango da hauteskundeen ostean.
Pronostiko eta inkesta guztien gainetik, halere, guztiak datoz bat Araban beharrezkoak izango direla bi edo hiru alderdiren arteko itunak erakundeetan gehiengo nahikoak lortu ahal izateko. Botoetan lehen indarra izateak elkarrizketa prozesua abiatzeko aukera emango dio irabazleari. Aritmetika erabakigarria izango da, beraz. Baina ezpatak airean izango dira azkeneraino Araban.
Zure interesekoa izan daiteke
Estatu indarkeriaren biktimak ofizialki aitortzeko legea eskatu du Euskal Herriko Torturatuen Sareak
Sareak II. Batzar Nazionala egin du gaur Eibarren, eratu zenetik urtebetera. 5.000 kasu baino gehiago dokumentatu ostean, horiek guztiak "aitortzeko garaia da".
PSE-EE euskal politikaren benetako ardatza dela aldarrikatu du Eneko Anduezak
Eneko Andueza PSE-EEren idazkari nagusiak esan du besteek hitz egiten duten bitartean, sozialistak lanean ari direla eta "ardatza" direla euskal politikan. Zumarragan egin duen ekitaldian, Pasaiako portuaren interes orokorra mantentzeko beharra azpimarratu du, gainea, bestela Arcelor Mittalek bere produkzioa nondik aterako ote duen galdetuz.
Santurtzin gehiengo alternatiboa osatzeko aukera dagoela uste du EH Bilduk
Santurtzin, udalean EAJ ordezkatu lezakeen gehiengo bat osatzeko aukerak ikusten ditu EH Bilduk. Iker Casanova EH Bilduren Bizkaiko bozeramaileak adierazi duenez, udal taldeen ardura izango da balizko akordio bat osatzea. Eta gaineratu du, Santurtziko alkatearen dimisioaren ondoren gertatutakoak argi islatzen duela "EAJren kudeaketa publikoa ulertzeko modua amaituta" dagoela. Atzo Radio Euskadiko 'Ganbara' saioan egindako elkarrizketan, Iñigo Ansola EAJren Bizkaiko presidenteak esan zuen, ordea, ez duela Santurtziko alkatetza galtzeko arriskurik ikusten.
Angela Murillo Auzitegi Nazionaleko epaile polemikoa hil da, 73 urte zituela
Besteak beste, Bateragune auzian eta 18/98 makroepaiketan egin zen ezagun. 30 urte luzeko ibilbidean, ETAko kide zirelakoan epaitutako akusatu batzuekin izandako aurrez aurrekoengatik eta inpartzialtasun faltagatik egin zen mediatiko Murillo.
UPNk Ibarrola aukeratu du Nafarroako hauteskundeetarako zerrendaburu, botoen % 85ekin
Ibarrolak esan du "Nafarroak behar duen aldaketa politikoa gidatzeko konpromisoarekin" heltzen diola erronkari, eta azpimarratu du bere alderdia dela "benetako alternatiba bakarra".
Hizkuntza politika berriak eragile ezberdinekin eraikitzea helburu duen prozesua hasi du EH Bilduk
Euskarak “momentu kritikoa” bizi duela ikusita, “eskala handiko erreakzioa” lortu nahi du koalizioak. Horretarako, euskararen komunitate osoaren eta adituen parte-hartzea izango duen prozesua egingo dute hurrengo asteetan.
PSE-EEk EAJri eskatu dio argitzeko Santurtzin presioa egin ote zuen gertuko jendea kontratatzeko, eta esan du “ez dela trukerako txanpona izango”
Sozialistek auzi hori Trapagarango egoeratik bereizi dute —bertan gutxiengoan gobernatzen dute—, eta udalaz gaindiko akordioak baztertu dituzte.
EH Bilduk berriro irabaziko luke Gasteizen eta 8 zinegotzi izango lituzke, eta PSE-EEk eta EAJk 6 zinegotziei eutsiko liekete
PPk egun dituen 6 ordezkarietako bat galduko luke, Elkarrekin alderdiak zinegotzi bat mantenduko luke eta Voxek lehen aldiz lortuko luke ordezkari bat.
Estebanen ustez, PSE-EE hauteskundeei begira dago, eta horregatik areagotu ditu EAJren kontrako kritikak
Herri Irratian eskaini duen elkarrizketa batean EAJren EBBko presidenteak esan duenez, Eneko Andueza PSE-EEko idazkari nagusiak "dena antolatuta du zarata egiteko", benetan ez dagoelako lasai hitz egin ezin daitekeen eztabaida sakonik.
Ikurrina eztabaida legegiletik kanpo geratu da Idahon, eta eraikin ofizialetan jarraitu ahal izango du
Lehendakariak Idahoko Estatuko Ordezkarien Ganberari horren inguruko azalpenak igorri ostean, Eusko Jaurlaritzak esan du ez dutela ikurrina debekatuko.