Bilboko Konpartsek jai-eremuan duten 'monopolioarekin' amaitzeko eskatu du PPk
Areatzako "jai-eremua ireki" eta Bilboko Konpartsei "monopolioa kentzea" eskatu du ostiral honetan Luis Eguiluz Bilboko Udaleko Alderdi Popularraren bozeramaileak. Era berean, "lapurretak gutxitzeko eta txosnetako irabazien zenbatekoa erraztu ahal izateko" txartel bidezko ordainketa sistema bat martxan jartzea proposatu du datorren Aste Nagusira begira.
Amaitu berri den 40. edizioaren inguruan balorazioa egiteko agerraldia egin du goizean Eguiluzek. Ildo horretatik, "herritar guztiontzat prestatutako jaiak" izan direla eta orokorrean iaz baino "emaitza hobeak lortu" direla nabarmendu du. Ikuskizunei dagokionez, ordea, "ospe handia duen talderen baten falta" izan duela azaldu du.
Dena dela, txosna batzuetako karteletan ez dela errespeturik egon salatu du. "Hiritar askok gustuko ez dituzten mezuekin betetzen dute guztiona den eremu bat", esan du Alderdi Popularreko bozeramaileak.
"Bilboko Konpartsak dira Areatzako jai-eremua monopolizatzen jarraitzen dutenak eta haiei bururatutako jarduerak haien asmora antolatzen dituztenak; 'Presoak Etxera' ekartzeko eskaeraz gain, Altsasuko erasotzaileen aldeko mezuak eta Guardia Zibilaren kontrako gorrotoak zabaltzen dituztenak", salatu du Eguiluzek.
Bere esanetan, Bilboko Udalari dagokio Aste Nagusian "zigorgabetasunik gabeko guneak debekatzea eta Areatzako jai-eremua talde eta elkarte desberdinei irekitzea, Bilboko Konpartsei monopolioa kenduz".
Era berean, jaialdi askotan erabili ohi diren txartel bidezko ordainketa sistema bat martxan jartzea proposatu du Eguiluzek datorren Aste Nagusira begira, "lapurretak gutxitzeko eta txosnetako irabazien zenbatekoa erraztu ahal izateko" asmoz.
Halaber, "top manta" delakoa debekatu eta kalean edaten duten gazteen aurrean neurriak hartzea eskatu du. Azkenik, Ledesma eta inguruko kaleetan zarata murrizteaz gain, jai-eremu berean dauden lokaletan antzeko musika jartzea adostea eskatu du.
Zure interesekoa izan daiteke
Instituzioetan eleaniztasuna bermatuko duen legea izapidetzea onartu du Espainiako Kongresuak
Estatuko 15 lege aldatzeko ekimenak euskaraz, katalanez edo galegoz idatzitako testuak baliozkotzea ahalbidetuko du, itzulpenik egin behar izan gabe.
Eusko Jaurlaritzak dio ez dagoela "arrazoi juridikorik" hizkuntza-eskakizunen gaia Konstituzionalera eramateko
"Kezkatuta" agertu dira Gasteizko gobernuko ordezkariak, "sektore publikoa euskalduntzeko sistema guztia zalantzan" jartzeko arriskua ikusten dutelako.
EAJk eta PSE-EEk Gipuzkoako aurrekontuak aurrera aterako dituzte, Elkarrekin Podemosekin akordioa lortuta
Miren Echeveste alderdi moreak Gipuzkoako ganberan duen eledunak eman ditu akordioari buruzko xehetasunak, arratsaldean egin duen agerraldian. Azaldu duenez, 19 milioi euroko —aurrekontu osoaren % 1,4— balioa duten proposamenak txertatu dituzte aurrekontuen proiektuan. Horiekin, "zaharren egoitzetako langileen baldintzak hobetzea eta erabiltzaileen koordainketa errebisatzea" eta "garraio publikoa eta mugikortasun iraunkorra sustatzea" lortu nahi dutela nabarmendu du, bereziki.
Ernaik bere "borrokarekin bat egiteko" deia egin die gazteei, "eskuin muturraren eta faxismoaren erasoari" erantzuteko
Ernaik salatu du "eskuin muturraren eta faxismoaren erasoa" bizi dela "mundu osoan, bai Espainiako eta Frantziako estatuetan, eta, ondorioz, baita Euskal Herrian ere". Azken asteotako "ekimen horiek bizi dugun egoera salatzea zuten helburu, baita zenbait ikurrek ordezkatzen duten proiektu atzerakoia salatzea ere", baina "batzuek bizi dugun egoeraren larritasunean fokua jarri baino, protesta batzuen izaeran jarri dute eztabaida, ekimen horien helburua erabat desitxuratuz", adierazi dute.
Gorenak Garcia Ortiz zigortu du, Ayusoren bikotekidearen mezu elektronikoa filtratzeagatik eta Fiskaltzaren prentsa oharragatik
Auzitegi Gorenak frogatutzat jo du berak edo bere inguruko norbaitek, bera jakitun zela, Madrilgo Erkidegoko presidentearen bikotekide den Alberto Gonzalez Amadorren abokatuaren mezu elektronikoa filtratu ziola Ser irrati kateari.
Hizkuntza ofizialak Administrazioaren organo guztietan erabiltzea eztabaidatuko dute Kongresuan
Urteko azken osoko bilkuran eztabaidatuko dute ERC, EAJ, EH Bildu, Compromis, BNG eta Mes per Mallorca eta Comuneseko parlamentariek eramandako lege-proposamena. Helburua, besteak beste, katalanez, euskaraz eta galegoz idatzitako dokumentuak Administrazio osoan onartzea da, itzulpenik egin gabe.
Ernaik salatu du bere kontrako “kriminalizazio saiakera baterako operazioa” dagoela martxan
Ezker abertzaleko gazte erakundeak bideo bat argitaratu zuen bart sare sozialetan, joan den larunbat goizaldean Gernikako Juntetxean egindako ekintza erakutsiz. Azken egunotan egin dituzten ekimenekin "gure herrian muturreko egoera bat bizi dugula" erakutsi nahi izan dutela adierazi dute, eta euren kontrako "kriminalizazio saiakera" salatu dute.
Mikel Zabalzaren gorpua aurkitu zuten lekuan emozio handiko ekitaldia egin dute senideek eta lagunek
Mikel Zabalzaren omenezko martxak topagune berezia izan du gaur Endarlatsan: duela 40 urte han bertan Bidasoako uretatik atera zutela hilik, eskuak lotuta. Familiarentzat eta ikertu dutenentzat beti torturatua izan zela argi egon bada ere, ez da sekula horrela onartu.
Otxandiano: "EH Bilduk ez du inolako ardurarik Ernaik egiten dituen ekintzetan"
Eusko Legebiltzarreko EH Bilduren bozeramailearen ustez, "beste interes batzuk daude EH Bildu interpelatzen denean, EH Bildu istiluekin lotu nahi da". Ildo horretan, proposatu du "norbaitek interesa badauka Ernaik egiten dunearen inguruan, hitz egin dezala Ernairekin".
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.