Ibarrolak "miserable" deitu die sozialistei, "ETAren ondorengoei Iruñeko Alkatetza emateagatik"
Cristina Ibarrola Iruñeko alkateak adierazi du gaurkoa "egun tristea dela, ez hiriarentzat bakarrik, baita herrialde osoarentzat ere", eta EH Bilduri Alkatetza emango dion zentsura-mozioa aurkeztu ondotik, esan du "PSNk hiria modu miserablean saldu" duela.
Hala, UPNko alkateak prentsaurrean behin eta berriz salatu du ETAren hilketak gaitzesten ez dituen alderdi bati eman diola Iruñeko Alkatetza alderdi sozialistak. Bere udal taldea alboan zuela, egindako bideaz harro eta kontzientzia lasaiarekin doazela ziurtatu du, eta, ohi baino kopetilunago, asaldura ezkutatu gabe, gogor egin du Ibarrolak sozialisten aurka.
Hala, Maria Chivite, Ramon Alzorriz, Santos Cerdan, Elma Saiz eta Pedro Sanchez buruzagi sozialistei dei egin die "Iruñeko kaleetara atera eta herritarrekin aurrez aurre hitz egiteko", eta euren postuak mantetzeko Iruñea saldu izana egotzi die.
Hauteskunde garaian esan zutenaren kontra, azkenean bai, Joseba Asiron alkate egingo dute, eta hori Ibarrolaren esanetan iruindarrei gezurra esatea da, ekainetik adostutako zerbait dela iritzi baitio. Eta horrekin, ETAren indarkeria gaitzesten ez duen alderdi bati Iruñeko alkate makila ematea arriskutsua da, Ibarrolaren arabera.
Inposaketa eta sektarismoa helduko direla dio EH Bildu Alkatetzan egonda, eta mobilizaziorik deitu ez duen arren, hiritarrei deia egin die kaleetan zentsura mozioari buruz pentsatzen dutena adieraztera.
Zentsura mozioarekin, Cristina Ibarrolaren alkate ibilbide motzari amaiera jarriko zaio. Ekainaren 17an alkate izendatu eta berehala, balizko zentsura mozioari buruzko galderak erantzun behar izan ditu. Beti esan du, ordea, ez zegoela arrazoirik zentsura mozio bat justifikatzeko, eta hiriaren aldeko lan egitea besterik ez zuela buruan.
Egunerokoak, ordea, aurkakoa islatu du; izan ere, Ibarrolak ez du inolako akordiorik lotu ahal izan oposizioarekin, eta ondorioz, 9 zinegotzirekin bakarrik, ezin izan du proiektu garrantzitsurik aurrera atera.
Testuinguru horretan Joseba Asironek hartuko du berriro aginte makila Iruñeko udaletxean. EH Bildu 2015ean iritsi zen Alkatetzara, Joseba Asironekin (2015-2019). 2019an, Navarra Sumak, Enrique Mayarekin (UPN) batera, Alkatetza hartu zuen berriro, eta 2023ko ekainetik UPNko Cristina Ibarrolak egon da agintean.
Zure interesekoa izan daiteke
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan; horren sinplea eta horren erraza da", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".