Anduezaren ustez, autogobernua "sozialistek bultzatuta zabaldu da", eta EAJri "tentsioa" eragitea leporatu dio
PSE-EEko buruak jeltzaleei aurpegiratu die EBBko presidenteak egindako adierazpenak, "akordioa lortzeko saiakera baino gehiago mehatxua" iruditu baitzitzaion.
Eneko Andueza PSE-EEko idazkari nagusia pozik agertu da Espainiako Gobernuak eta Eusko Jaurlaritzak EAEri bost eskumen berri eskualdatzeko lortutako akordioarekin. Transferentziak batzorde mistoan sinatuko dira ostiral honetan, eta autogobernua "sozialistek bultzatuta" zabaltzea txalotu du. Gainera, bi gobernuen arteko harremanetan "tentsioa areagotu izana" aurpegiratu dio EAJri.
Estatutua betetzeko lanean "ausardiaz" jarraituko dutela ziurtatu du sozialistak, bai EAEtik bai Estatutik, baina "presarik gabe, berme juridiko eta ekonomikoekin". "Uste dut ez dela beharrezkoa tentsio-elementuak sartzea, EAJk egin duen bezala, bi gobernuen arteko harremanean", ziurtatu du.
PSE-EEko buruak Aitor Esteban EAJren EBBko presidenteak astelehenean egindako adierazpenek sortu zioten ezinegona izan du hizpide. Izan ere, Estebanek ohartarazi zuen ostiralerako bost transferentziak EAEra eskualdatuko ez balira, "gauza larria" litzatekeela, eta ez liratekeela "besoak gurutzatuta" geratuko, nahiz eta ez zuen aurreratu zein izango litzatekeen bere erreakzioa. "Espainiako Gobernua berehala konturatuko da", ziurtatu zuen jeltzaleak.
Ostegun goizean, Herri Irratian egindako elkarrizketa batean, Anduezak esan du "mehatxua" izan zela "akordioa lortzeko saiakera baino gehiago", eta buruzagi jeltzaleak esan zuenaren kontrara, hori gauzatu izan balitz, horrek eragina izango lukeela Eusko Jaurlaritzan bazkide diren EAJren eta PSE-EEren arteko harremanean.
"Harremana okertu egingo litzateke, konfiantza hautsi egingo litzateke, eta orduan Espainian egoera berri baten aurrean egongo ginateke, baita Euskadin egoera berri baten aurrean ere, guk ere egoera hori baloratu beharko genukeelako", azaldu du.
Zure interesekoa izan daiteke
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.
Polizia Nazionalaren operazio-buruak dimisioa eman du, agente batek bortxatu zuela salatu ondoren
Haren mendeko polizia batek Barne Ministerioaren etxebizitza ofizial batean bortxatu izana leporatzen dio; sexu-erasoaz gain, hertsapenak, lesio psikikoak eta ondasun publikoak bidegabe erabiltzea egozten diote.
Espazio publikoetan burka eta niqab-a debekatzeko Voxen proposamena atzera bota du Kongresuak
PPk eta UPNk soilik babestu dute eskuin muturreko alderdiaren proposamena. Juntsek kontra bozkatu du, baina bere lege-proposamena erregistratu du, debekuaren eskariari eusteko. EAJk, berriz, gaia lantzea beharrezkoa ikusten du, eta horretarako azpibatzorde bat sortzea proposatu du.
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduren bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.