Xabi Iraola izango da Sorturen hurrengo koordinatzaile nagusia, ez baita beste hautagairik aurkeztu
Bozketa urtarrilaren 21etik 23ra izango da, eta hurrengo egunean amaituko du Sortuk bere IV. Kongresua. Atzo arteko epea zuten militanteek beste hautagai bat aurkezteko.
Xabi Iraolaren hautagaitza izango da Sorturen zuzendaritzarako aurkeztuko den bakarra. Atzo amaitu zen alderdiaren Nazio Kontseiluak aurkeztutako proposamenari alternatibak aurkezteko epea, baina ez da halakorik egon. Hala, igeldoarrak bidea libre du alderdiaren koordinatzaile nagusi karguari heltzeko.
Joan den urtarrilaren 7an aurkeztu zuen Nazio Kontseiluak bere hautagaitza, zortzi emakumek eta zazpi gizonek osatutakoa. "Xabi Iraola Larraia da koordinatzaile orokorrerako proposatutako pertsona, eta hura izango da belaunaldi eta herrialde ikuspegitik orekatua den taldearen gidaria", esan du Sortuk ohar batean.
Zazpi egun —urtarrilaren 8tik 14ra—izan dituzte sortuko militanteek zuzendaritzaren proposamenari alternatibak aurkezteko. Halakorik egon ez denez, urtarrilaren 21etik 23ra egingo den Nazio Idazkaritzarako bozketan, Iraola buru duen zerrenda bakarrik izango da.
Halaber, egun horietan bozkatuko dituzte Kontrol eta Berme Batzordea eta Kontuen Batzordea ere, eta biharmunean, urtarrilaren 24an, Sortuk amaiera emango dio bere IV. Kongresuari, Irungo Ficoban egingo duen ekitaldian. Ehunka militante eta Euskal Herriko zein nazioarteko hainbat eragile-gonbidatu bilduko dira bertan.
Ekaineko Nazio Konferentzian, Kongresua urtebete aurreratzea erabaki zuen Sortuk, eta udazkenean ekin zioten prozesuari: urriaren 22an 'Herri gogoa’ ponentzia aurkeztu, eta ordutik, 150 batzar baino gehiago egin dituzte, herriz herri. 2.000 lagun inguruk hartu du parte bileretan.
Zabaldutako oharrean, ezker abertzaleko alderdiak esan du "datozen urteotako bide-orria aberastu eta ondu" ondoren, "urtea hastearekin batera, zuzendaritza osatzeko faseari ekin" diotela. "Hamar egun barru prest izango da Sortu berritua, ‘Herri gogoa’-n jasotakoari ekiteko", erantsi dute idatzian.
Iraola Ernai gazte erakundearen sortzaileetako bat eta horren zuzendaritzako kide izan zen. Lehen Hezkuntzan graduatuta, Igeldoko Toki Erakunde Txikikoa da jaiotzez, eta oso gaztetatik hasi zuen bere ibilbide militantea. Sortuko Herrigintzako idazkaria da 2021etik, Pello Otxandianoren lekukoa hartu zuenetik. Orain, Arkaitz Rodrigez ordezkatuko du koordinatzaile nagusi karguan.
Zure interesekoa izan daiteke
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.
Polizia Nazionalaren operazio-buruak dimisioa eman du, agente batek bortxatu zuela salatu ondoren
Haren mendeko polizia batek Barne Ministerioaren etxebizitza ofizial batean bortxatu izana leporatzen dio; sexu-erasoaz gain, hertsapenak, lesio psikikoak eta ondasun publikoak bidegabe erabiltzea egozten diote.
Espazio publikoetan burka eta niqab-a debekatzeko Voxen proposamena atzera bota du Kongresuak
PPk eta UPNk soilik babestu dute eskuin muturreko alderdiaren proposamena. Juntsek kontra bozkatu du, baina bere lege-proposamena erregistratu du, debekuaren eskariari eusteko. EAJk, berriz, gaia lantzea beharrezkoa ikusten du, eta horretarako azpibatzorde bat sortzea proposatu du.
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduren bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.