Bost atxilotu, horietako bi Nafarroan, adingabe batekin trafikatu eta ezkontzera behartzeagatik
Nafarroako Erriberatik Kataluniara eraman zuten 14 urteko neska, eta familia eroslearen kontrolpean egon zen, behartuta ezkontzera bultzatzeko asmoz. Gizakiak salerostea egotzi diete.
Guardia Zibila eta Esquadra Mossoak elkarrekin aritu dira operazio honetan. Argazkia: Europa Press
14 urteko neska baten gurasoak atxilotu dituzte Nafarroan, Lleidan bizi den familia bati saltzea leporatuta, haien semearekin ezkon zedin. Adingabea Kataluniako Les Borges Blanques herrian topatu zuten, eskean.
Nafarroako Erriberako herri batean bizi ziren neskatoaren gurasoek (35 urteko gizon bat eta emakume bat) Mollerusan (Lleida) bizi zen beste familia bati saldu zioten alaba urtarrilean, haien semearekin ezkon zedin.
Azken informazioen arabera, Nafarroako Corellas herriko zen neskatoa.
Zehazki, 5.000 euro, 5 botila whiski eta oinarrizko elikagai batzuk ordainduz lortu zuten legez kanpoko akordioa. Lleidan, hiru pertsona atxilotu dituzte adingabea erostea egotzita: 40 eta 20 urteko bi gizon eta 42 urteko emakume bat.
Adingabea Kataluniara eraman zuten, eta han familia eroslearen kontrolpean egon zen, behartutako ezkontza gauzatzeko helburuarekin. Neska eskolatu gabe zegoen, eta eskean aritzera behartu zuten, familia eroslearentzat dirua eskuratzeko asmoz.
Behartutako ezkontza baterako gizaki bat salerosi izana egotzi diete guztiei.
"Kasu isolatua"
Mollerussako alkateak, Marc Solsonak, azaldu du gertaera "kasu isolatua" dela hirian, eta ez dela inoiz antzeko jokabiderik eman.
Solsonak adierazi duenez, berak eta Udalak larunbat honetan izan dute herriko familia batek 14 urteko adingabe bat "erosi" duelaren berri.
"Gertaera hau ez dator egoera ezagun batetik. Gizarte-zerbitzuetan ez genuen familia horren berririk, ezta adingabearen berririk ere; beraz, ustekabeko kasu baten aurrean gaude ".
Gainera, herriko alkatea "haserre" agertu da Guardia Zibilak ez duelako eman kasuari buruzko informaziorik.
"Mossoek hasi izan balute jakingo genukeen (...) Baina Guardia Zibila hasi da ikertzen, eta ez genuen ezeren berri ".
Zure interesekoa izan daiteke
The AP-8 exit from Zarautz will be closed on Monday night in the Irun sense due to construction
A number of minors have reported having been abused in reception centres in Ceuta, complaints which have been referred to the judge by the Public Prosecutor's Office
Chayotea, a well-known Latin American fruit grown in Muskiz
One resident died and 18 people were injured in a fire at a residence in Pamplona
Anti-racism groups denounce the "repression" of migrants in Ceuta
The man who allegedly robbed the same school in Barakaldo four times in 20 days has been sent to prison
Two cyclists were injured when they were hit by a vehicle in Alegia
The Ertzaintza has arrested a driver who fled after running over a woman in Bilbao
The fifth trial against Nelson David Moreno has been suspended by agreement of the parties
