Kaltetuek Esako eskuin hegala azkarrago irristatzen dela adierazi dute
Rio Aragon elkarteak eta Yesa+no herri-ekimenak salatu dute Esako urtegiaren eskuin hegalak irrist egiten jarraitzen duela. "Abuztuan baino bizkorrago mugitzen da, irailean abiadura handitu zuenetik, ez baita gelditu", adierazi dute.
Elkarteek ohar batean adierazi dutenez, pitzadura gehiago agertu dira magalean, urbanizazioen inguruan. Hori dela, eta, urtegia handitzeko lanak gelditzeko, adituek urtegiaren inguruko geologia sakonki aztertzeko eta egoera konpontzeko alternatibak kontuan hartzeko eskatu dute.
Labainketaren hondoa 100 metrotara dago, eta, adituen ustez, "ez da geldituko, ez behintzat, urtegia normaltasunez erabiltzen jarraitzen bada".
Asoziazioek esan dutenez, "jokaera horrekin jarraituz gero, dirua xahutzen jarraituko dugu". Gainera, Ebroko Konfederazio Hidrografikoak eta Ingurugiro Sailak egindako larrialdiko lanek 25 milioi euroko kostua izan dutela azpimarratu dute, eta, elkarteen ustez, "ez dute emaitzik eman".
Urtegia "ezer gertatuko ez balitz bezala" ari direla betetzen gehitu dute elkarteek, "euren datuei kasurik egin gabe eta hegalaren eta urtegiaren egoera zaila kontuan izan gabe".
Urtegiaren % 77 beteta dago jada, eta mailak gora egiten du egunetik egunera. "Ezinegona" sortzen die horrek bertako biztanleei, "erakunde ofizialenganako konfiantza eza" dela eta. Elkarteek erakunde horien jarrera "arduragabea" dela salatu dute.
Albiste gehiago gizartea
Joxe Azurmendi, filosofo eta pentsalari zegamarra, zendu da 84 urte zituela
Jakin aldizkariak azpimarratu duenez, "pentsamendu itzela utzi diguzu. Hura lantzen jarraituko dugu, beti eskatu izan diguzun bezala, zu (eta inor) jainkotu gabe, baina maisu-maistrak aitortuz". Aldizkari historiko horrek nabarmendu duenez, Azurmendiren pentsamendua funtsezkoa izan zen joan den mendeko 60ko eta 70eko hamarkadetan euskara eta euskal kultura berritu eta bultzatzeko.
Zer gertatzen da gure datu pertsonalekin hotel batean ostatu hartzen dugunean?
Segurtasunagatik, hotelek informazio jakin bat bildu eta Ertzaintzarekin partekatu behar dute, baina muga argi batzuk ezin dituzte gainditu. Adibidez, ez dute eskubiderik gure NANa fotokopiatu edo eskaneatzeko.
Katalunian inoiz ikusi ez den hedapen-abiadura duen sute batek bi pertsona hil ditu
Lleidan atzo piztutako "seigarren belaunaldiko" baso-sute bortitzak, bi hildako eta Katalunian inoiz ikusi ez diren erregistroak utzi ditu: 17 kilometroko pirokumulua eta 28 kilometro orduko hedapen-abiadura, denbora gutxian 5.300 hektarea kiskali zituena.
Igandean salatutako sexu-erasoa gaitzesteko elkarretaratzea egin dute Donostian
Eider Mendoza Gipuzkoako ahaldun nagusiak eta Eneko Goia Donostiako alkateak iragan larunbatean Donostian gertatutako erasoa gaitzetsi dute. Alderdi guztietako ordezkariek eta beste kargu publiko batzuek ere hartu dute parte elkarretaratze isilean.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Kontxako ura 24,3 ºC-tan dago, uztailaren lehenean inoz izan den tenperatura altuena
Duela 78 urtetik hona, Donostiako Aquariumak egunero neurtzen du, 10:00etan, uraren tenperatura. Gaurko tenperaturak maximo historikoa markatu du. 1947tik, estreinakoz neurtu da uztailaren lehen egunean hain tenperatura altua uretan.
Euskadin, sexu bidezko infekzioen kopurua bikoiztu egin da azken urtean, eta GIB kasuen kopurua mantendu da
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.