Trafiko Istripuak
2024/07/01 - 01:16
Ezkerreko erreia zabalik da AP8an Usurbilen, luizi baten ondorioz errepidea ia bi egunez itxita egon ondotik
Larunbat goizean lur-jauzi handi bat gertatatu zenetik itxita egon da errepidea Irungo noranzkoan. Asteburu osoan garbiketa eta egonkortze lanetan aritu dira eta igande gauerako zabaldu ahal izan da erreietako bat.
2024/06/30 - 21:04
Itxita jarraituko du AP-8 errepidea, Usurbil parean, ingurua egonkortzeko eta garbitzeko lanak egin bitartean
Ez zen inor zauritu, baina, une honetan, trafikoa GI-20 errepidetik bideratzen ari dira. Datozen orduotan ingurua egonkortzen eta garbitzen jarraituko dute, eta errepidea itxita jarraituko du lan horiek amaitu arte.
2024/06/30 - 20:01
Emakumezko motor gidari bat hil da Villabonan
N-1 errepidean izan da ezbeharra 15:15ean, Gasteizko noranzkoan. Lekura hurbildu diren medikuak motor gidaria suspertzen saiatu dira, baina ez dute lortu haren bizia salbatzea.
2024/06/30 - 15:24
49 urteko emakume bat hil da Armendaritzen, Nafarroa Beherean, auto-istripu batean
Larrialdi zerbitzuek emakumea autotik konorterik gabe atera bazuten ere, ezin izan zuten emakumea suspertu.
2024/06/29 - 19:30
AP8 errepideak itxita jarraituko du Usurbilen, ingurua egonkortzen eta garbitzen duten bitartean
Datozen orduotan itxita jarraituko du errepideak. Hori dela eta, trafikoa GI-20 errepidetik desbideratzen ari dira.
2024/06/28 - 10:06
Albiste izango dira: LGTBIQ+ Harrotasunaren Eguna, irteera operazioa eta eitb.eus-ek 10 urte
Gaurkoan albiste izango direnen laburpena, bi hitzetan.
2024/06/27 - 18:35
Hildako bat eta pronostiko erreserbatuko zauritu bat, Legardan izandako trafiko istripuan
Ibilgailu bat bidetik atera da A-12 errepidean, eta bide ertzeko babes-hesiaren kontra jo du. Autoa gidatzen zuen gizona tokian bertan zendu da, eta auto berean zihoan emakume bat Nafarroako Unibertsitate Ospitalera eraman dute.
2024/06/27 - 11:59
Gidari bat atxilotu dute Erandion, homizidio saiakera leporatuta, autoarekin motozale bat harrapatzeagatik
Auto gidariak ertzainei aitortu zien motozalea nahita harrapatu zuela. Bestalde, zauritutako motozalea ospitalera eraman zuten.
2024/06/25 - 20:51
Hildako bat eta bost zauritu Zestoan izandako trafiko-istripu batean
Istripua auto baten eta autokarabana baten artean gertatu da, GI-631 errepidean, Zestoa (Gipuzkoa) parean. Autoan zihoan 95 urteko emakume bat, tokian bertan hil egin da, eta beste hiru pertsona Donostiako Unibertsitate Ospitalera eraman dituzte.
2024/06/25 - 19:15
Bi istripuk auto-ilarak eragin dituzte BI-637 errepidean, Leioan eta Barakaldon
Istripuetako bat Leioako errepidean izan da, Getxorako noranzkoan, eta trafikoa geldirik dago Barakaldoraino.
2024/06/25 - 16:59
Pertsona bat hil da Nafarroako Cadreita udalerrian izan den auto istripuan
Ezbeharra 12:30ak pasatxo gertatu da, AP-15 autobideko 16. kilometroan. Gidatzen ari zen autoa errepidetik atera da, eta gidaria hil egin da; ondoan zeraman laguna, berriz, larri zauritu da.
2024/06/24 - 21:01
Bi urteko kartzela-zigorra ezarri diote autobidean 8,5 kilometro kontrako noranzkoan gidatu zituen gizonari
2017ko otsailaren 11n, AP-8 autobidean, Usurbilen (Gipuzkoa) izandako istripuan, bi pertsona hil ziren aurrez aurre beste ibilgailu baten aurka talka egin ondoren.
2024/06/24 - 12:07
Normaltasuna AP-8 autobidean, Irun parean, kamioi batek istripua izan ostean
Istripua Kantabriarako noranzkoan gertatu da, kamioi bat errepidetik atera denean. Gidaria zauritu egin da eta ospitalera eraman dute.
2024/06/21 - 12:52
Ireki dute AP-8 autobidea Amorebieta-Etxanon, istripu baten ondorioz Bilborako bidea itxita egon ostean
Ezbeharraren ondorioz auto ilarak sortu dira, baina 09:30erako zirkulazioa bere onera itzuli da.
2024/06/21 - 10:55
Auto-ilarak AP-8an, Zornotza parean, zauriturik utzi ez duen istripu baten ondorioz
Ezbeharra 07:45 aldera gertatu da, oraindik argitzeke dauden arrazoiak tarteko, ibilgailu bat bidetik atera eta bide erdian geratu denean. Hasiera batean, errepidea erabat itxi dute, baina handik gutxira hiru erreietako bat ireki ahal izan dute.
2024/06/17 - 13:46
Pertsona bat hil da Armañantzasen, Nafarroan, trafiko-istripu batean
Ezbeharra 07:00ak aldera gertatu da, NA-7200 errepidean. Autoa bidetik atera da eta horma baten kontra jo du. Gidaria bertan hil da.
2024/06/16 - 15:17
Txirrindulari bat hil da Urizaharrean, eroriko larri baten ondorioz
Ezbeharra goizeko hamaikak aldera izan da, A-3202 errepidean. Larrialdi zerbitzuak bertaratu dira, eta, nahiz eta osasun langileak suspertzen ahalegindu, 64 urteko gizonezkoa bertan hil da.
2024/06/15 - 22:16
Ordu eta erdi egon da itxita GI-627 errepidea Bergaran, hiru pertsona zauritu diren istripu baten ondorioz
Bi emakume eta gizon bat ospitalera eraman dituzte. Istripua 14:20an gertatu da.
2024/06/15 - 16:29
Abian da Bilbon Emisio Gutxiko Eremua (EGE), baina astelehenetik aurrera egongo da indarrean
Arau-haustea izango da A motako ibilgailu batekin Bilboko Emisio Gutxiko Eremuan sartzea. Dena dela, malgutasunez arituko dira eta irailaren 15era arte ez dute isunik jarriko. Nora Abete Mugikortasun eta Jasangarritasun zinegotzia izan da horren inaugurazio sinbolikoan.
2024/06/15 - 12:49
Ireki dute AP-1 errepidea Bergaran
Gasteizko noranzkoan izan den istrpu baten ondorioz itxita egon da. Ezbeharra tunel baten barruan izan da, baina bi norabideetan itxi dute, garbiketa lanak tarteko.