Trafiko Istripuak
2024/03/19 - 18:03
Sevillan kamioi batek harrapatuta hildako sei pertsonetako bi Bizkaikoak ziren
Hil diren bi guardia zibiletako bat barakaldoztarra zen, eta hildako beste lau lagunetako bat Bizkaian bizi zen. Epaitegi batek gidaria behin-behinean, komunikatuta eta fidantzarik gabe espetxeratzeko agindu du.
2024/03/19 - 11:20
Sei pertsona, tartean bi guardia zibil, hil dira Sevillan, polizia kontrol batean kamioi batek harrapatuta
Beste hiru pertsona larri daude. Antza, istripua da hipotesi nagusia. Agenteek gelditzeko esan diotenean, kamioilariak bide bazterrera egin du kolpera eta bost ibilgailu harrapatu ditu. Atxilotuta dago.
2024/03/19 - 11:15
Sei hildako Sevillan, tartean bi guardia zibil, polizia kontrol batean kamioi batek harrapatuta
Ibilgailu artikulatu batek polizia-kontrol batean geldirik zeuden hainbat ibilgailuren aurka talka egin du. Kamioi-gidaria atxilotu dute eta negatibo eman du alkohol eta droga probetan.
2024/03/18 - 11:03
Mozkor eta gidabaimenik gabe zihoan emakume baten autoak eraikin baten kontra jo du Iruñean
32 urteko gidaria Tajonar kaletik zihoan bart biribilgune batean zuzen jarraitu, espaloira igo, hesi bat gainditu eta UNEDeko fatxadaren kontra jo zuen arte Zorionez, ez da inor zauritu.
2024/03/17 - 21:36
22 urteko motozale bat larri zauritu da Dantxarinean izandako istripuan
Istripua 17:04an gertatu da, N-121-B errepideko 69. kilometroan. Zauritua helikopteroz eraman dute Baionako Ospitalera.
2024/03/17 - 15:08
Hiru pertsona zauritu dira Mendigorrian, Korrikaren furgonetak harrapatuta
Horietako bat erietxean dago, hainbat saihets hezur apurtuta. Foruzaingoak ikerketa abiatu du jazoeraren nondik norakoak argitzeko. Korrikaren antolatzaileak zaurituen senideekin harremanetan jarri dira, eta furgonetatik gertu zuhurtziaz aritzeko eskatu die parte-hartzaileei.
2024/03/15 - 08:41
Motor gidari bat, oso larri auto batek jota Asiainen
27 urteko Ororbiako bizilaguna da zauritutakoa. Ezbeharra NA-7010 errepidean (Astrain-Irurtzun), jazo zen 20:10 aldera.
2024/03/13 - 10:41
Trafikoa bere onera etorri da A-8 autobidean, Basauri parean, istripu batek auto-ilara luzeak eragin ondoren
Ezbeharra Malmasingo tunelaren sarreran gertatu da, 07:50 inguruan, Donostiako noranzkoan. 6 kilometrorainoko auto-ilarak sortu dira.
2024/03/12 - 11:38
64 urteko gizon bat hil da ospitalean, pasa den astean Gasteizen auto batek harrapatu ostean
Ezbeharra martxoaren 4ko gauean gertatu zen Koroatze kalean. Zauritutako oinezkoa Txagorritxuko ospitalera eraman zuten eta pasa den ostiralean hil zen, zaurien ondorioz.
2024/03/11 - 18:32
14 zauritu, haietako bat larri, autobus bat obra bateko zulora erorita, Cornellan
L10 lineako autobus bateko 14 bidaiari zauritu dira, horietako bat larriki, ibilgailua aparkaleku bateko obren zulotik behera erori ondoren, Esplugues de Llobregateko (Bartzelona) Sant Ildefons etorbidean, Cornellà de Llobregateko mugan.
2024/03/11 - 17:29
24 pertsona zauritu dira Mallorcan, Imsersoko autobus baten istripuan
24 pertsona zauritu dira Imsersoko autobus batek izandako istripuan, Sant Llorenç eta Son Servera (Mallorca) arteko errepidean, horietako zazpi larri. Autobusean 50 pertsona inguru zihoazen.
2024/03/11 - 12:25
Trafikoa bere onera etorri da A-8n, Bilbo parean, lau kilometrorainoko auto-ilarak izan ostean
08:30 inguruan izandako istripu batek eragin ditu ilarak, Donostiako noranzkoan, Zabalbururako irteera parean. Ezkerreko eta erdiko erreiak itxita egon dira ia bi orduz, eta ilarak sortu dira. Ez da inor zauritu.
2024/03/10 - 11:23
Lau pertsona erreskatatu dituzte Lesakan, autoarekin mendi mazela batetik behera 100 metro erori ostean
Hiru onik atera dira, baina 17 urteko mutiko bat ospitalera eraman behar izan dute traumatismo ugari zituelako.
2024/03/09 - 21:40
17 pertsona zauritu dira A-15 autobian, Elduainen, gutxienez 18 ibilgailuk izan duten istripuan
Zaurituak, horietako bat larri, Donostiako eta Tolosako ospitaleetara eraman dituzte. Dirudienez, errepidea irristakor zegoen, txingorra egin duelako bertan.
2024/03/09 - 20:57
17 pertsona zauritu dira A-15 autobian, Elduainen, hainbat ibilgailuren artean izan den istripuan
Ia hiru orduz egon da autobia itxita, bi noranzkoetan. Dirudienez, txingorrak eragin du ezbeharra.
2024/03/08 - 17:24
Ilara luzeak N-637 errepidean, Erandio parean, bi istripuren ondorioz
Lehenengo istripua 14:30 aldera gertatu da, N-637 errepidean, eta hiru ibilgailu nahasi dira. Geroago, auto batek autobus batekin egin du talka.
2024/03/08 - 11:37
Errei guztiak zabalik eta trafiko arina Leioako errepidean, goizean istripua izan ondoren
Errei bat itxita egon da, Bilborako noranzkoan, baina 10:20rako zirkulazioa bere onera etorri da.
2024/03/08 - 09:24
Trafikoa bere onera etorri da Txorierriko igarobidean goizeko lehen orduko auto ilaren ondotik
Sondikan hiru ibilgailuren artean gertatu den ezbeharrak ilara luzeak eragin ditu N-637 errepidean.
2024/03/07 - 22:19
54 urteko txirrindulari bat larri zauritu da Untzitibarren, kamioi batek harrapatuta
Zauritua Nafarroako Unibertsitate Ospitalera eraman behar izan dute helikopteroz, burezurreko traumatismoarekin. Ezbeharra 15:52an gertatu da, NA-234 errepidean.
2024/03/07 - 21:11
Pertsona bat hil da AP-8 autobidean, Mendaro parean, kamioi batek harrapatuta
Ertzaintzak baieztatu duenez, goizeko 07:00ak inguruan izan da istripua, Bilboko noranzkoan. Ikerketa zabaldu dute, istripuaren nondik norakoak argitzeko.