Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Bizkaiko Guardia Zibilak gizonak estortsionatzen zituen sare kriminal bat desegin du, kontaktuen webguneetan iragarki faltsuak jarriz. "Trabazone" izeneko operazioari esker, lau emakume identifikatu dituzte, guztiak Valentzian bizi direnak, estortsio-delituen, talde kriminaleko kide izatearen eta dirua zuritzearen ustezko erantzule gisa.
Ikerketa 2023an hasi zen, Barakaldoko gizon batek egindako salaketaren ondorioz. Azaldu zuenez, kontaktu-webgune batean inolako zerbitzurik kontratatu gabe sartu ondoren, hainbat zenbakitatik beldurtzeko mezuak eta deiak jasotzen hasi zen. Bere hitzetan, estortsiogileek dirua eskatzen zioten kontsumitu gabeko sexu-zerbitzuengatik. Beldurragatik, salatzaileak lau ordainketa egin zituen, 1.300 euro guztira.
Guardia Zibilaren taldeak kasuari lotutako aurreordainketako 16 telefono-linea arakatu zituen, poliziaren lana oztopatzeko hainbat terminal mugikorretan aktibatuta. Gainera, antzeko salaketak zituzten konexioak atzeman zituzten beste probintzia batzuetan.
Gizonak iragarki faltsuen bidez erakartzen zituzten, eta, behin kontaktu-zenbakia emanda, mehatxuak berehalako mezularitzaren bidez hasten ziren. Mezuetan, nesken ustezko "buruek" ordainketak eskatzen zituzten, errepresalia fisiko, sozial edo familiarren mehatxupean.
Gutxienez zazpi biktima identifikatu dituzte Bizkaian, Castellon, Ciudad Realen, Murtzian, Guadalajaran eta Almerian. Egileetako bat antzeko prozedura judizialetan inplikatuta zegoen aurreko gertakariengatik.
Guardia Zibilak gogorarazi du sexu-estortsioaren modalitate hori bereziki irabazizkoa dela; izan ere, biktima askok ordaindu egiten dute, ondorioen beldur direlako, nahiz eta zerbitzurik kontratatu ez.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".