Salbuespen-egoera Bangkoken, Gobernuaren aurkako protestengatik
Salbuespen-egoera ezarri du Thailandiako behin-behineko Gobernuak Bangkoken, astearte honetan, Gobernuaren aurkako protestekin lotutako indarkeria areagotzen ari baita, bertako hedabideek jakinarazi dutenez. Gutxienez bederatzi lagun hil eta 500 baino gehiago zauritu dira azarotik, manifestariak Gobernuaren egoitzak okupatzen hasi zirenetik.
Azken orduetan, Poliziak emakume bat atxilotu du, Bangkok erdialdean dagoen Garaipenaren Monumentuaren ondoan jazo den tiroketa batekin zerikusia izatea egotzita. Tiroketan ez da inor zauritu.
Armadaren bozeramaile batek esan du armak eta lehergaiak eramaten ari direla Bangkokera, eta horrek hirian indarkeria berpiztea eragin lezakeela nabarmendu du, Bangkok Post egunkarian jaso dutenez. Alkandora gorrien mugimenduaren liderretako baten arabera, mugimendu horretako kideek ez dute zerikusirik izan azken erasoekin, eta eraso horien bidez estatu-kolpe militarra eragin nahi dutela gaineratu du. Mugimendu horretako kideek gaur egun gobernatzen ari direnei ematen diete botoa.
Suthep Thaugsuban, protestetako liderra, bigarren egunez Lumpini parketik abiatu eta Bangkok hiriburuko finantza gunea zeharkatu zuen ibilaldian buru ibili zen.
2006tik, Thailandia krisi politiko sakon batean dago murgilduta. Thaksin Shinawatraren aldekoek eta aurkakoek manifestazioak egiten dituzte urtero, edo bi urtean behin, eta ehunka herritar hil eta galera ekonomiko handiak izan dira protesta horien ondorioz.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".