Israelek eta Palestinak su-etena adostu dute
Egiptoko Gobernuak gaur jakinarazi du Israelgo eta Palestinako ordezkariek adostu duten su-etena indarrean sartu dela 19:00ean (Euskal Herrian, 18:00ean).
Egiptoko Atzerri Ministerioak adierazpen batean azaldu duenez, "palestinarren bizitzak babesteko eta odol-isuriarekin amaitzeko, Egiptok bi aldeekin hitz egin du su-eten iraunkorra eta aldeaniztuna ezartzeko".
Indarkeriaren amaierarekin batera, akordioak zehazten duenez, Gazaren eta Israelen arteko mugak zabalduko dira laguntza humanitarioa eta Zerrenda berreraikitzeko materiala sartzeko.
Adostasunari esker, Palestinako arrantzaleek euren kostaldean sei miliatako erradioan arrantzatu ahal izango dute.
Gainera, bi aldeen arteko negoziazio ez zuzenak hilabete barru jarraituko du, airean gelditu diren kontuak zehazteko.
Egiptok "Palestinako herriaren helburuekin eta lidergoarekin duen konpromisoa" berretsi du, eta eskualdera bakea ekarriko duen Estatu palestinar independente bat sortzearen alde agertu da.
Israelek erasoak erabat gelditzean soilik hitz egingo du Hamasekin
Israeleko Gobernuak gaur jakinarazi du berriro Palestinarekin Kairoko negoziazioetan parte hartuko duela Hamasek Gazako Zerrendatik suziriak jaurtitzeari uzten badio.
"Israelek Egiptoren proposamena onartzen du, uztailaren 15ean egin bezala", adierazi du Mark Regev, Benjamin Netanyahu Israelgo ministroaren bozeramaileak.
Gazako biztanleek su-etena ospatu dute
Milaka gazatar suntsitutako kaleetara atera dira gaur, Israelekin gerra amaitu dela ospatzeko. 50 egunez iraun duten bonbardaketek 2.100 hildako utzi dituzte.
Su-etena indarrean sartu eta gutxira, mezkitetako "garaipenerantz" oihuak "Alahu Akbar" (Jainkoa handia da) aldarriekin nahastu dira.
Azken erasoak etenaren aurretik
Israeldar bat hil da gaur Eshkol herrian, Gazatik jaurtitako mortero palestinar baten ondorioz.
Daviden Izar Gorria (Gurutze Gorriaren parekidea) erakundeak jakinarazi duenez, beste sei pertsona zauritu dira erasoan; horietatik bat egoera kritikoan dago, eta beste bat, larri.
Su-etena adostu baino minutu batzuk lehenago jaurti dute morteroa.
Lekukoen arabera, su-etena iragarri eta indarrean sartu artean igaro diren bi orduetan, Israelgo abiazioak bonbardaketak indartu ditu, eta Palestinako miliziek suziri gehiago jaurti dituzte Israel hegoaldera.
Eraso horietan, hiru palestinar hil dira, Rafah hirian misil israeldar batek harrapatuta. Guztira, 10 palestinar zendu dira gaur.
Gatazkaren balantzea
50 egun iraun du gatazkak, eta 2.100 palestinar zendu dira bertan; gehienak, zibilak, eta laurden bat, haurrak.
64 soldadu israeldar hil dira milizien aurkako erasoetan, baita hiru zibil israeldar –tartean haur bat-, beduino bat eta langile asiar bat ere.
Gainera, 450.000 palestinar baino gehiagok euren etxebizitzak utzi behar izan dituzte.
Zure interesekoa izan daiteke
Gabonetako meza San Pedroko basilikara itzuli da 30 urte baino gehiagoren ondoren
Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.