Bi pandak estatuburu baten gisako harrera jaso dute Belgikara heltzean
Belgikako Gobernuak Txinatik bidalitako bi panda hartu zituen joan den igandean, estatuburu baten gisako ohoreak eginez. Bi pandak beraientzat bereziki prestatutako hegazkin batean iritsi ziren. Agintari txinatarrek propio "utzi" dizkiote Belgikari animalia hauek, eta hamabost urtez biziko dira bertan, Pairi Daiza zoologiko ospetsuan.
Elio Di Rupo lehen ministro belgikarraren esanetan, "gertakizun handia" da bi panda Belgikan izatea. Horrez gain, pandak "txinatarrentzat altxor nazionalak" direla kontuan izanik, berau "sinbolismo politiko handiko ekintza" dela nabarmendu zuen.
Bi hartz hauek Belgikako Ganteko Unibertsitatea egiten ari den ikerketa zientifiko baten parte izango dira. Ikerketaren helburua panda handien ugalketa-sistema aztertzea da, desagertzeko arriskuan dagoen espeziea baita; 1.600 panda soilik daude munduan.
Hao Hao (emea) eta Xing Hui (arra) hartzek lau urte dituzte, eta banatuta edukiko dituzte zooan. Nahiz eta igandean bertan eraman zituzten euren bizileku berrira, datorren apirilaren 5era arte ez dituzte jendaurrean aurkeztuko, berrogeialdian jarri baitituzte.
Albiste gehiago ikusmiran
1 Formulako pilotuek LEGO piezekin egindako autoen erreplikekin desfilatu dute Miamin
Miamiko lasterketa hasi aurretik, 20 pilotuak LEGO piezekin egindako autoekin atera dira pistara. Auto bakoitza LEGOko 400.000 pieza inguru erabiliz eraikia da, eta taldeek benetako dekorazioa eta babesleak dituzte.
Benetan berreskuratu al dute otso erraldoia, ala espezie berria sortu dute?
Colossal Bioscience enpresak dio otso erraldoiaren otsokumeak direla Romulo, Remo eta Khaleesi. Hala ere, adituek diote horiek ez direla duela 10.000 urte desagertutako espezieko kumeak, genetikoki eraldatutako otso grisarenak baizik, otso erraldoiaren gene batzuekin sortuak.
Duela 13.000 urte desagertutako 'otso izugarria' berreskuratzea lortu dute
Colossal Biosciences konpainiak dioenez, espezie horretako bi kume sortzeko gai izan da, fosiletan aurkitutako DNAtik eratorritako aldaketa genetikoen bidez. Romulo eta Remo dute izena, eta sei hilabete dituzte.
Munduko iceberg handienak Hego Georgiako uhartearen parean hondoa jo du, hainbat urtez noraezean ibili ondoren
A23a munduko iceberg handiena eta zaharrena da, eta Hego Georgiako uharte subantartikotik —pinguinoen paradisua— 73 kilometro ingurura hondartu da, bost urtez noraezean egon ostean, 2020tik. Adituek aurreikusi dute itsasaldiaren eta olatuen eraginez apurtuko dela.
Huelvako dendari batek pistola batekin armatutako lapurra oihuka bota du saltokitik
Lepeko denda bateko segurtasun-kamerak grabatu du gertakari bitxia. Antza denez, saltzailea berehala ohartu da pistola plastikozkoa zela.
Platanoa paretari itsatsita, 6,2 milioi dolarrean saldu den arte pieza
Erosleak fruta-pieza, hari eusten dion zinta itsaskorra eta benetakotasun-ziurtagiria jasoko ditu. Maurizio Cattelan artista kontzeptualaren Comedian lanak artearen mundua banatu zuen 2019an.