Zahartzeari buruzko hitzaldiekin hasiko da Errokak/Desafíos programa

José Félix Martí Massó, neurologoak, koordinatuko du ziklo hau Donostia 2016k eta Jakiundek diseinatutako ‘Erronkak/Desafíos’ programaren baitan.

Gure inguruko gizarteek duten erronka garrantzitsuenetariko bat, biztanleriaren zahartzea eta adintsuei eman beharreko arreta dira.  Bizi-itxaropena geroz eta handiagoa denez, geroz eta gehiago dira zaindu beharreko adinekoak. Zahartzaroko gaixotasun neurologikoek asko baldintzaten dute gaixotasun horien dituzten pertsonen, haien familien eta gizartearen bizi-kalitate.

Alzheimerra, Parkinsona eta garun-hodietako gaixotasunak oso ohikoak dira zahartzaroan eta ezinbestekoa da haien prebentziorako osasun arloko adituek egiten dituzten gomendioak ezagutzea eta gaixoen arreta hobetzea.

Kontu horiek guztiak landuko dira aipatutako hitzaldi-zikloan. J.F. Martí Massó neurologak koordinatzen duen ziklo honetan zazpi neurologok hartuko dute parte.

Jokabide normala eta patologikoa zahartzaroan

Zahartzaroan aldaketa fisikoak, psikikoak, sozialak eta kognitiboak gertatzen dira. Baliteke zahartzarora iristen direnen jokabidea aldatzea, baina aldaketak oso desberdinak izan daitezke norbanakoen arabera.

Aldaketen arrazoiak askotarikoak dira, besteak beste, neuronen endekapenezko gaixotasunak.

65 urtetik gorako pertsonek hainbat aldaketa izaten dituzte: memoria eta hitz egiteko erraztasuna gutxitzea, interesik ez izatea, arreta-gaitasuna murriztea, emozioak ez kontrolatzea, konfiantza galtzea, xuhurrago bihurtzea…Baina, aldaketa horiek normalak edo patologikoak dira? Zer egin dezakegu zahartzarora ahalik eta osasun psikofisiko onenarekin iristeko?

Hitzaldi honen aztergai nagusiak, jokabide-aldaketen bilakaera, aldaketa horiek noiz kontsultatu behar zaizkion medikuari, eta nola lortu zahartzaro osasuntsua izatea, dira.

Zikloaren programa

Otsailak 2

Jokabide normala eta patologikoa zahartzaroan

J.F. Martí Massó doktorea, neurologoa

Aipirilak 5

Alzheimer gaixotasuna prebenitzea: nori eta nola

Pablo Martínez-Lage doktorea, neurologoa. AFAGIrekin elkarlanean

Ekainak 8

Alzheimerra: gaixotasun luze baten hiru etapak

Rafael Blesa doktorea, neuróloga. AFAGIrekin elkarlanean

Irailak 6

Parkinsonen gaixotasuna sendatzerik edo prebenitzerik izango al dugu etorkizunean?

José Obeso doktorea, neurologoa. Parkinsonen gaixotasuna duten pazienteen elkartearekin elkarlanean

Azaroak 8

Geneak eta dementzia

A. López de Muniain doktorea, neuróloga

Abenduak 13

Garuneko hodietako gaixotasunen prebentzioa eta tratamendua

Ana de Arce doktorea eta M. T. Martínez Zabaleta doktorea, neurologoak. Garuneko kalte hartua duten pazieenteen elkartearkin elkarlanean