Governors: 'Xehetasun guztiak zaindu ditugu zuzenekoa grabatzeko'
Governors taldearen zuzenekoak ikusgarriak dira, hitzaren zentzurik behinenean; asko zaindu izan du taldeak emanaldien alde bisuala: suak, argi joko bereziak, janzkera…
Larunbatean, lau diskoko ibilbidearen lagin bat betikotuko dute eta, soinu euskarrian ez ezik, ikus-entzunezkoan ere grabatuko dute Bilboko Santana 27 aretoan egingo duten kontzertua, laster DVD eta CD formatuetan argitaratzeko asmoz.
21:30ean hartuko du agertokia Governorsek, baina, 20:30etik, Elepunto DJa egongo da giroa berotzen Bolueta auzoko aretoan.
Taldeko abeslariak, JSang-ek, proiektuaren nondik norakoak azaldu dizkigu.
Estudioko lau disko atera dituzue zortzi urteko ibilbidean, eta orain zuzenekoa grabatzeko erabakia hartu duzue. Zerk eragin du erabaki hori? Zergatik grabatu nahi duzue zuzenekoa?
Beti egin nahi izan dugu horrelako bat, baina inoiz ez dugu nahi dugun moduan egiteko aukera izan. Eta Baga-Bigak proposatu zuenean, buru-belarri jarri ginen dena prestatzen.
Etaparen bat itxi edo zabaldu dela adierazten dute askotan zuzenekoek. Badago horrelakorik zuen erabakiaren atzean?
Agian bai, sentsazio hori ematen du DVD bat grabatzen denean. Eta guri ere gertatzen zaigu hori. Guk lanean jarraituko dugu berdin-berdin, baina egia da nolabait aurreko diskoak alde batera uzten direla eta gauza berriak egitea errazagoa dela, ideiak berrituz.
Zortzi urteko ibilbidearen zein hausnarketa egiten duzue? Nola azalduko zenukete taldearen bidea?
Lana, lana eta lana… Poz-pozik gaude lortzen ari garenari begiratuz: ezagutu dugun jendea, herriak, taldeak… Baina argi dago momentu latzak ere pasatu ditugula, talde guztiek bezala, eta horiek gainditzeko modu bakarra ilusioa izatea eta lan egitea dela uste dugu.
Definitu hitz gutxitan disko bakoitza.
Itxaron beharra ez da itxaropena: Rockeroa, zuzena eta ilusioz beteriko diskoa, lehena izateagatik.
Frenetikodrome: Aurrekoa baino melodikoagoa baina indartsua.
Collage: Oso melodikoa eta estribilloak oso landuak.
Morphinapolis: Agian gure diskorik gogorrena, melodiak alde batera utzi gabe.
Zer espero dezake urtarrilaren 31n Santana 27ra doanak? Zer-nolako emanaldia izango da?
Izugarrizko show-a egiten saiatuko gara. Espero dugu jendeak etortzea merezi izan duen sentsazioa izatea eta biziko dutena ahaztea zaila izatea.
Sorpresa guztiak zapuztu barik, noski, baina kolaborazio edo ustekabekoren bat aurreratzerik? Zer kantu ez dira faltako?
Sorpresak sorpresa dira eta isilpean mantentzea hobeto… Abestiei dagokienez, gure fan-en laguntza izan dugu: haiek lagundu digute set list-a egiten. Kontzertuan zein kantu jotzea nahi zuten galdetu genien, eta, horretan oinarrituta, aukeraketa egin dugu. Eskerrik asko denei!
Alde bisualari garrantzi handia eman izan diozue beti Governorsen. Alde horretatik ulergarria da DVDa ere grabatzeko asmoa…
Bai! Gauza hauek ezin dira ikusi estudioko disko arrunt batean, eta taldea bere osotasunean ikusi ahal izateko ezinbestekoa dela uste dugu.
Zuzeneko diskoekin gauza berezia gertatzen da: batzuek gorroto egiten dituzte eta saltzeko aitzakia huts gisa ikusten dituzte, baina beste batzuk musikaren historian daude (“Made in Japan”, Jimi Hendrixen Monterreyko kontzertua, James Brownek Apollon grabatu zuena, Ramonesen “It’s alive”…). Musikaren historiako zein zuzeneko gomendatuko zenuke? Zein hartu duzue eredutzat?
Seguru asko taldeko kide bakoitzak bere zuzeneko gustukoena izango du, baina niri gehien gustatu zitzaizkidanak hauek dira: “Live…Priest!”, “Live after death” (Iron Maiden), “Live in Budapest” Queen taldearena…
Egia da talde askok zuzeneko gehiegi atera dituztela, eta askotan badirudi zerbait berria era erraz batean atera behar dutelako egiten dutela. Gure kasuan, behintzat, ez da erraza izan… Xehetasun guztiak oso landuta daude eta horrek lan asko eskatzen du, eta gure helburua ez dira salmentak.
Albiste gehiago musika
Hasi da Donostiako Musika Hamabostaldia, estreinaldiz eta izen handiz beteriko edizio historiko batekin
Donostiako jaialdiaren 86. edizioa abuztuaren 1ean inauguratu da, "Requiem (s)" baletarekin, eta lehen aldiz izango dira Parisko Operako eta Leipzigeko Gewandhausorchesterreko orkestrak.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.
The Beach Boys talde kaliforniarrak debuta egin du Donostiako Jazzaldian
Estreinakoz Donostiako jazzaldian, taldearen hainbat garaitako kanta ezagunak jo dituzte. Kaliforniakoen kantak belaunaldien himno bihurtu dira: gaztaroko maitasuna, surfaren kultura eta baikortasuna islatzen duten abestiak.
Jamie Cullumek ireki du aurtengo Jazzaldia kontzertu "intimo" batekin, Kursaalean
Abeslari britainiarra ia ohiko bihurtu da Jazzaldian, eta aurtengoa bere bosgarren aldia da. Hau ez da Jamie Cullumek eskainiko duen kontzertu bakarra izango, izan ere, Zurriolako hondartzan doako kontzertu bat eskainiko du, bere hitzetan "festa bat" izango dena.