CCOO

2024/03/19 - 10:58

Greba eguna dute gaur Bizkaibusen eta Euskotrenen, gidarien aurkako erasoak salatzeko

Sindikatuen arabera, lanuztea "jarraipen zabala" izaten ari da, eta % 30eko gutxieneko zerbitzuak baino ez dabiltza. Eraso fisikoak eta hitzezkoak behin eta berriz jasaten dituztela salatu dute.

2024/03/16 - 19:10

"Kalitatezko osasun publiko baten alde" bat egin dute milaka lagunek Donostian, Gasteizen eta Bilbon

Milaka lagunek erantzun diote Osasun Publikoaren Aldeko Herri Plataformak deitu eta ELA, LAB, ESK, CGT, CNT, UGT, CCOO, Steilas, USO, SAE eta Satse sindikatuek babestu dituzten mobilizazioei.

2024/03/12 - 14:56

Grebak eragin handia izan duela nabarmendu dute sindikatuek, eta Jaurlaritzari gogoeta egiteko eskatu diote

Grebak Hezkuntzan eta garraioan izan du eragina batik bat, eta neurri txikiagoan Osakidetzan.

2024/03/12 - 10:50

EAEko 150.000 langile publiko grebara deituta daude gaur

Sektorean % 80ko ordezkaritza duten ELA, LAB, CCOO, ESK eta Steilas sindikatuek deitu dute greba egun berri hau. Azken hilabeteotan sektore publikoan deitutako hirugarren greba da gaurkoa, urriaren 25ean eta abenduaren 19an egindakoen ondoren.

2024/03/05 - 15:46

Bizkaibuseko langileek greba egingo dute martxoaren 19an

Langileen aurkako eraso fisikoen eta hitzezko erasoen "errepikapena eta larritasuna" salatu dute. 1.300 langile baino gehiago deitu dituzte mobilizatzera.

2024/02/28 - 13:26

Sektore publikoko greba deialdia erregistratu dute EAEn, martxoaren 12rako

ELA, LAB, CCOO, Steilas eta ESK sindikatuek salatu dutenez, azken greba deialditik bi hilabetera eta hirugarren greba iragarri eta bi astera, erakundeak ez dira beraiekin harremanetan jarri.

2024/02/24 - 19:31

Bizkaiko ostalaritzak mobilizazioei ekin die hitzarmenarena berritzearen alde

ELAk, CCOOk, LABek eta UGTk deituta, mobilizazioei ekin diete larunbat eguerdian Bizkaiako ostalariek, Bilbon egin duten manifestazioarekin. Ostalaritzako hitzarmenaren negoziazioa duela urtebetetik ez aurrera ez atzera dagoela salatu dute, eta orain urtebete proposatutakoa ez dela nahikoa.

2024/02/19 - 15:26

Azpikontratatutako osasun-garraioko greba mugagabeak % 90eko jarraipena izan du 1. egunean, sindikatuen ustez

Eusko Jaurlaritzak % 100eko zerbitzu minimoak ezarri ditu larrialdi zerbitzuetan, errehabilitazioko pazienteen garraioan eta ospitaleko altetan, baina ez dira bete.

2024/02/13 - 14:03

Sindikatuek grebara deitu dute sektore publikoa, martxoaren 12an

ELA, LAB, CCOO, Steilas eta ESK sindikatuek greba deitu dute arlo publikoan, lan baldintzak eta zerbitzua hobetzea eskatuz.

2024/02/13 - 12:13

Beste greba egun bat deitu dute EAEko sektore publikoan martxoaren 12rako

ELA, LAB, CCOO, Steilas eta ESK sindikatuek deitu dute greba, "lan-baldintzek okerrera egiten jarraitzen" dutela argudiatuta. Aldarrikapenen artean, soldata % 10 igotzea, pribatizazioei atea ixtea eta enplegu publikoa kontsolidatzea daude.

2024/02/12 - 18:05

Lanegunean egindako Tuvisako lehen greba egunak % 100eko jarraipena izan du

Tuvisako enpresa-batzordeak lan-gatazka "artifizialki luzatzea" leporatu dio Gasteizko Udalari, egoera "behingoz konponduko duen" eta grebari amaiera emango dion eskaintza berririk aurkeztu ez duelako.

2024/02/10 - 19:43

Negoziazioek porrot egin ostean, Tuvisako langileek greba mugagabea hasi dute larunbat honetan

ELAk salatu du enpresak ez duela proposamena aldatu eta Udala "geldirik" egon dela Gasteizko hiri autobusen gatazkari irtenbidea emateko egin dituzten bileretan. Tuvisako presidentearen ustez, grebak "ez du justifikaziorik"; batzordearen arabera, "sumingarria" da egoera horretara eraman izana.

2024/02/08 - 16:02

Bizkaiko Ostalaritzak mobilizazioei ekingo die berriro ere otsailaren 24an, hitzarmen berri bat eskatzeko

Bizkaiko Ostalaritzako ELAk, LABek, CCOOek eta UGTk gogorarazi dutenez, langileek ez dute soldata-igoerarik izan 2020tik. Tarte horretan KPIa % 12,9 igo da eta, beraz, erosteko ahalmena galdu dute.

2024/02/02 - 18:24

Sindikatuek eta patronalak akordiorik gabe amaitu dute bilera, eta otsaileko grebei eutsi diete

Kristau Eskolak negoziatzen jarraitzeko asmoa adierazi du. Sindikatuen ustez, aurkeztutako proposamena "ez da nahikoa", eta lanuzteei eutsi diete otsailaren 6, 7, 8, 19 eta 20rako.

2024/02/02 - 17:57

Sindikatuek eta Kristau Eskolak akordiorik gabe amaitu dute bilera, eta otsaileko grebei eutsi diete

Kristau Eskolak negoziatzen jarraitzeko asmoa agertu du eta errealistak izateko eskatu die sindikatuei. Bestalde, ELAren arabera, proposamena aurretik aurkeztutakoaren ia berdina da, baina urteko lanaldia hamar eta hogei ordu artean murriztea eskaini dute.

2024/01/23 - 15:59

Sindikatuen arabera, itunpeko eskoletako grebak % 65eko jarraipena izan du; patronalaren hitzetan, % 16koa

Sindikatuek hitzarmena sinatzeko proposamenak lehenbailehen egiteko eskatu diete patronalei. Gainera, "konponbidea ez oztopatzeko eta gatazka bideratzeko esku hartzeko" eskatu diote Eusko Jaurlaritzari.

2024/01/17 - 15:19

Yolanda Diazek CCOOekin eta UGTrekin sinatu du lanbide arteko gutxieneko soldataren ingoera

Akordioari esker, lanbide arteko gutxieneko soldata % 5 igoko da, hilean 1.134 euroraino, hamalau ordainsaritan. Atzeraeraginezko ondorioak izango ditu 2024ko urtarrilaren 1etik aurrera.

2024/01/17 - 09:07

Gutxieneko soldata 1.134 eurotara igotzeko akordioa gaur izenpetuko dute

Lan Ministerioaren egoitzan egingo da sinatze ekitaldia, 13:00ean. Ondoren, testua Kongresura igorriko da, eta ondo bidean, datorren astean onartuko du Ministroen Kontseiluak.

2024/01/12 - 15:36

Euskadiko anbulantziak greba mugagabera joango dira, enpresek eta Jaurlaritzak konponbiderik eman ezean

ELA, LSB-USO, LAB, UGT, CCOO eta ESKk azaldu dutenez, urtarrilaren 8tik 21era deitutako 15 eguneko grebaren ondoren,"ez badago ez irtenbiderik ez mugimendurik", "otsailean greba mugagabera joateko erabakia hartuta eta mahai gainean dago".

2024/01/12 - 11:55

Espainiako Gobernuak eta sindikatuek 2024ko gutxieneko soldata % 5 igotzea adostu dute, 1.134 euroraino

CEOE eta Cepyme enpresa-erakundeek ez dute bat egin akordioarekin, eta adierazi dute ez zaiela erantzunik eman kontratu publikoetan gutxieneko soldata indexatzeko eta landa-sektorerako hobariak ezartzeko eskaerei.