Delituak

2025/01/28 - 11:09

2 urte eta 9 hilabeteko kartzela zigorra ezarri diote Lizarran bi haur hil zituen autobus gidariari

Epailearen arabera, La Estellesako gidariak ez zuen behar adinako arreta jarri gidatzean. Epaia ez da irmoa eta helegitea jar dakioke Nafarroako Justizia Auzitegi Nagusian.

2025/01/24 - 16:00

Gizon bat atxilotu dute Iruñean beste bati eraso egin eta biktima homosexuala zelako egin zuela onartu ostean

Iruñeko Abejeras kaleko diskoteka batean izandako eraso baten ondorioz atxilotu dute 24 urteko gizonezkoa; aurrekariak ditu. Erasotzaileak zauria egin zion biktimnari aurpegian, odoletan utziz hura. Osasun-zentrora eraman behar izan zuten.

2025/01/23 - 11:56

Hiru atxilotu, Ayusoren bikotekidearen abokatuaren ordenagailuarekin Marokora pasa nahian ari zirela

Urtarrilaren 12an salaketa jarri zuen Madrilgo Erkidegoko presidentearen bikotekidearen abokatuak, Alacanteko etxean zituen bi ordenagailu, hiru tablet eta bi telefono mugikor ostu zizkiotelako.

2025/01/21 - 18:14

Bi gizon atxilotu dituzte Barakaldon, etxebizitza bat lapurtzetik ateratzean

Joan den astelehenean, 10:00ak aldera, Barakaldoko bizilagun batek Ertzaintzarekin hitz egin zuen, lapurretaren berri emateko. Ertzainak haren atarira sartu ziren, eta bi gizon aurkitu zituzten lehen solairuaren parean, eskaileretatik presaka jaisten.

2025/01/16 - 18:03

Gizon bat atxilotu dute Basaurin, autoan zihoala, beste gidari bati pistola batekin mehatxu egiteagatik

Modu aldrebes eta arriskutsuan gidatzen ari zen atxilotua eta haren atzetik zihoan gidariak argiekin keinu egin zion. Lehenak, orduan, pistola atera zuen leihotik, airera tiro egin eta atzean zihoana metxatu zuen. Bertaratu ziren ertzainei ere oldartu zitzaien, baita heriotza mehatxuak egin ere.

2025/01/13 - 14:30

Ertzaintzak bi gizon atxilotu ditu Eibarren, pertsonen legez kanpoko trafikoa leporatuta

Errepide kontrol batean gelditutako furgoneta baten barruan hamaika pertsona zihoazen, gehieneko edukiera bederatzikoa izan arren. Antza denez, bidaiariak lan kontuengatik beste norabait eramatea zen helburua.

2025/01/13 - 11:00

Gizon bat atxilotu dute Hondarribiko aireportuan, pistola bat eramateagatik

Gizonezko frantziarrak Tenerifera bidaiatu behar zuen Walter PP pistola batekin eta munizioarekin. (Espainiako Guardia Zibilaren irudiak)

2025/01/11 - 19:05

9 urte eta 11 hilabeteko kartzela zigorra Nafarroako tatuajegile bati, bezeroei sexu-abusuak egiteagatik

2020 eta 2021 artean lau emakumeri (bi adingabe tartean) sexu-abusuak egiteagatik zigortu dute gizona. Gizona, gainera, biktimetako biren senidea da.

2025/01/09 - 09:08

Etxebarrin Urteberri egunean gazte talde batek jasandako erasoa ikertzen ari da Ertzaintza

Gertakariak urtarrilaren 1ean jazo ziren, 07:00etan. Hiru gizonak kolpeka eta ostikoka hasi zitzaizkien. Zauritutako bati ebakuntza egin behar izan diote. Udalak elkarretaratze isila deitu du gaur arratsalderako, erasoa gaitzesteko.

2025/01/05 - 16:11

23 urteko gizonezko bat atxilotu dute Barakaldon, beste bati arma zuriz eraso egiteagatik

Biktimak ebaki sakona zuen ezkerreko eskuan, eta ustezko erasotzailea ertzain-etxera eraman dute, atxilotuta.

2025/01/04 - 16:11

Emakume bat atxilotu dute Azpeitian, supermerkatu batean lapurtu eta langile bati eraso egiteagatik

Supermerkatuko langile batek aparkalekuan harrapatu zuen, 450 eurotik gorako balioa zuen produktu-orga bat zuela. Horrek eraso egin eta ihes egin zuen. Indarkeriaz egindako lapurreta-delitu bat egotzi diote emakumeari, eta berarekin zihoan adingabea, berriz, ikertu gisa geratu da.

2025/01/03 - 14:05

Bizkaian laguntzak jaso, babes ofizialeko etxea izan eta Luxenburgon bizi den emakume bat atxilotu dute

48 urteko emakumea eta adin txikiko bere bi semeak Bizkaian eta Luxenburgon daude erroldatuta. Ikerketaren arabera, atxilotuak Luxenburgoko administrazioak emandako bost gizarte laguntza ez ezik, Lanbidetik 1.000 euro inguruko dirulaguntza jasotzen zuen.

2024/12/29 - 20:41

Hierrora iritsitako ontzi bateko 7 patroi atxilotu dituzte, bidaian 4 migratzaile hil zituztelakoan

Migratzaileetako batzuk kexatu zirelako hil zituzten, gainerako bidaiariak izutzeko. Gambiatik atera zen ontzia, eta Bassoulen (Senegal) gelditu zen, Kanaria uharteetara heldu aurretik. Hain zuzen ere, geldialdi horretan igo ziren ontzira migratzaile gehienak.

2024/12/29 - 17:20

Elkarretaratzea egin dute Arrigorriagan, herritar batek jasotako jipoia salatzeko

13:00etan izan da elkarretaratzea, udaletxeko plazan, biktimari eta gertukoei elkartasuna adierazteko. Herriko merkatari bati eraso zioten hiru lagunek, eta, ondorioz, larri zaurituta eraman zuten ospitalera. Erasotzaileetako bat atxilotu dute, eta beste biren bila ari dira.

2024/12/28 - 17:14

Ertzaintza gorroto delitu bat ikertzen ari da Arrigorriagan, gizon batzuek beste bat jipoitu ostean

Biktima ospitalera eraman zuten, zenbait pertsonak emandako kolpeen ondorioz larri zaurituta. 20 urteko gizon bat atxilotu zuten, lesio delitua egotzita, baina gorroto delitua ikertzen ari dira. Erasoa denda txinatar batean gertatu zen.

2024/12/28 - 16:58

Maite Ibarra (alkatea): ''Arrigorriagan ez dugu onartzen sexu, erlijio edo arrazagatik inori eraso egitea''

Maite Ibarra Arrigorriagako alkateak herrian ostiralean gazte batzuek herriko merkatari bati egindako erasoa gogor gaitzetsi du, eta elkartasuna adierazi die, Udalaren partez, biktimari eta familiari.

2024/12/27 - 14:19

Gizon bat atxilotu dute Gasteizen amari eraso egiteagatik

Erasoa gertatu zen etxera iristean, udaltzainek amarekin eta semearekin hitz egin zuten, eta biek esandakoak entzun ondoren, eta emakumeak zituen markak ikusita, 33 urteko gizonezkoa atxilotu zuten, amaren aurkako eraso delitu bat leporatuta, etxeko indarkeriaren esparruan.

2024/12/27 - 13:44

1,3 milioi jarraitzaile dituen Castroko youtuber bat atxilotu dute, lehergailuak legez kanpo egiteagatik

Guardia Zibiliak atxilotuaren tailer klandestinoa desegin du. Konposatu leherkorrak eta su-eragileak fabrikatzen zituen, eta pausoz pauso erakusten zuen nola egin eta nola erabili. Bideo horiek guztiak tutorial gisa argitaratzen zituen, YouTubeko kanalean, ekarpen ekonomikoak ere eskatuz.

2024/12/26 - 11:25

Atxilotu bat Iruñean, urruntze agindua zuen emakumearen autoan kalteak eragiteagatik

Atxilotuari, 38 urteko gizonezkoa, bi delitu egozten dizkiote: kautelazko neurria haustea eta nahita kalteak eragitearena.

2024/12/19 - 12:22

Txutxi Athleticeko jokalari ohia atxilotu dute, narkotrafikoagatik zigortu eta ihesean 10 urte eman ostean

1995-1996 denboraldian lehen taldeko atzelaria izandakoari bederatzi urteko kartzela zigorra ezarri zioten 2014an ia 1.000 kilo kokaina Espainiako Estatuan sartzeagatik. Ordutik, ez dute haren berri izan, harik eta Cadizen ohiko polizia kontrol batean gelditu eta identifikatu duten arte.