Hondamendi naturalen biktimak
2023/12/11 - 12:39
Gutxienez sei pertsona hil dira Tennesseen, tornado batzuen ondorioz
Gutxienez sei pertsona hil eta dozenaka zauritu dira Tennessee estatuan, larunbatean hainbat tornado igaro ostean. Gainera, tornadoek eraikin asko txikitu dituzte eta itzalaldiak eragin dituzte AEBko hego-ekialdean.
2023/11/04 - 16:44
Gutxienez 157 pertsona hil eta 197 zauritu dira lurrikara baten ondorioz, Nepalen
Oraingoz Jajarkoten, herrialdearen mendebaldean, aurkitu dute hildako gehien, 95. 6,4ko indarra izan du dardarak Richter eskalan.
2023/10/26 - 13:54
Acapulco hiria inkomunikatuta dago, Otis 5. mailko urakan suntsitzailea igaro ondoren
12 ordu baino gutxiagoan, Otis 1. mailako urakana izatetik 5.ekoa izatera igaro zen, maila altuenera. Hiriarekiko komunazioa guztiz galdu da, eta, ondorioz, oraindik ezin dira kalteak zenbatu.
2023/10/15 - 15:44
Lurrikara gehiago izan dira Heraten, eta pertsona bat hil eta 120 zauritu dira gutxienez
MOEk jakinarazi du 6,5 graduko lurrikara bat izan dela, eta beste erreplika batzuk ondoren. Joan den astean, mila pertsona baino gehiago hil ziren inguru horretan lurrikaren ondorioz, Afganistango Hondamendiak Kudeatzeko Ministerioaren arabera.
2023/10/09 - 11:51
Gutxienez 2.400 hildako eta 2.000 zauritu eragin ditu Afganistango lurrikarak
Lurrikarak bereziki astindu du Zindah Jan barrutia, Herat probintzian. Bertan dozena bat herrixka erabat suntsituta geratu dira. 1998tik Afganistanen izan den hirugarren lurrikararik hilgarriena da.
2023/10/08 - 11:56
2.530 pertsona hil eta 9.240 zauritu dira Afganistango mendebaldea astindu duten hainbat lurrikararen ondorioz
Litekeena da hildako eta zauritu kopuruak gora egitea. Zinda Jan barrutiko hamabi herri guztiz suntsituta geratu dira. 2.000 lagun baino gehiago ebakuatu dituzte.
2023/09/19 - 10:55
Dernako herritarrek protesta egin dute agintarien kudeaketaren aurka
Daniel zikloiak suntsitutako Dernako milaka bizilagun kalera atera dira Jalifa Haftar mariskalak (herrialdeko gizon indartsua) kontrolatutako Parlamentuaren aurka protesta egiteko. Milaka hildako eragin dituen hondamendiaren ondorioz bertako agintariek izandako jarrera salatu nahi izan dute.
2023/09/18 - 15:29
Denboraleak 880.000 kaltetu baino gehiago utzi ditu Libian, eta 40.000tik gora desplazatu
NBEk larrialdiko funtsetatik 10 milioi dolar desblokeatu ditu dagoeneko, lehen erantzun bat emateko, baina ez da nahikoa. Erakundeak 71,4 milioi dolar eskatu ditu datozen hiru hilabeteetan 250.000 kalteturi laguntzeko.
2023/09/17 - 19:22
Libiako Derna hirian uholdeengatik hildakoak 11.300 baino gehiago dira jada
Gainera, NBEk uste du 10.000tik gora direla desagertuta dauden herritarrak, nahiz eta datu dantza dagoen herrialdeak bizi duen zatiketa politikoa medio.
2023/09/16 - 20:38
Libiako Fiskaltzak ikerketa abiatu du, Dernako bi urtegik gainezka egin izana aztertzeko
Libiako fiskal nagusiak azaldu duenez, tokiko agintariek eta Gobernuak bi presak mantentzeko egindako lanak ikertuko dituzte.
2023/09/16 - 13:46
Laguntza humanitarioa Libiara iristen hasi da, eta hildakoak 7.000tik gora eta desagertuak 10.000 dira
Oraingoz ia 4.000 gorpu identifikatu dituzte, Daniel zikloiaren ondorioz hondatu ziren bi presak Derna hiria suntsitu ostean.
2023/09/16 - 12:32
Accion Norteko suhiltzaileak hildakoak jasotzen laguntzen ari dira, ez baitute espero inor bizirik aurkitzea
Agintariek uste dute hildako kopurua 20.000 irits litekeela, eta ez dute espero inor bizirik aurkitzea. Accion Norteko suhiltzaileek jakinarazi dute litekeena dela epidemia zabal bat egotea, hildakoak nonahi daudelako.
2023/09/15 - 12:34
Libiara joandako Gasteizko zortzi suhiltzaileak lanean hasi dira Dernan
Zortzi suhiltzaileak Accion Norte GKEko kideak dira, eta lau txakurrekin joan dira Dernara, bizirik dauden pertsonak aurkitzen saiatzeko.
2023/09/15 - 10:35
30.000 desplazatu laguntzaren zain daude Dernan, gaixotasunak zabaltzeko beldurra handitzen ari den bitartean
Libiako Derna hirian hildakoak 20.000 izan daitezke, hiriko alkateak egindako kalkuluen arabera.
2023/09/14 - 14:28
Libiako Derna hirian hildakoak 20.000 izan daitezke
Abdulmenam al Gaizi Dernako alkateak adierazi duenez, lehertu zen hiriko presa 2008tik mantenimendurik gabe zegoen, herrialdeko krisi politikoaren ondorioz.
2023/09/14 - 11:19
Libiako Derna hirian hildakoak 20.000 izan daitezke
Libiako Derna hirian hildakoak 18.000 eta 20.000 artean izan daitezke, suntsitutako barruti kopuruaren arabera, bertako alkateak azaldu duenez.
2023/09/14 - 00:33
Zikloiak Libian eragindako txikizioa, zenbakitan: ia 7.000 hildako, 10.000 desagertu eta 30.000 desplazatu
Eurite bortitzen ondorioz, bi presa apurtu dira herrialdearen ipar-ekialdean, eta 33 milioi litro ur askatu dituzte Derna hirian barrena. Nazio Batuen Erakundeak 9,3 milioi euroko laguntza iragarri du.
2023/09/13 - 14:05
Marokoko lurrikarak kaltetutakoentzat laguntza jasotzeko guneak, Bilbo, Ermua eta Errenterian
Bilboko komunitate marokoarrak laguntza jasotzeko gune bat jarri zuen martxan atzo, asteartea, Karmelan (Fika kalea 44). Bilketak astebete iraungo du, gutxi gorabehera. Gainera, bihar beste puntu bat zabalduko dute Ermuan, eta etzi Errenterian.
2023/09/13 - 11:00
6.000 hildako eta 9.000 desagertu baino gehiago Libiako Derna hirian, Daniel zikloiaren eraginez
Erreskate taldeen lana zaila gertatzen ari da, hiria bi zatitan banatuta geratu baita, bi presa kolapsatu eta 33 milioi litro ur baino gehiago isuri ostean. Urak eraikinak, zubiak eta errepideak suntsitu ditu.
2023/09/12 - 23:56
Gasteizko zortzi suhiltzaile Libiara bidean dira, uholdeek suntsitutako eremuan erreskate lanetan laguntzera
Accion Norte gobernuz kanpoko erakundeak antolatutako espedizioa da, eta Bernara doaz, Daniel zikloiak gogorren astindu duen eremura. Turkiara ere joan ziren otsailean, lurrikararen ondoren. Orduan bezala, erreskateetarako trebatutako lau txakurren laguntza izango dute.