Indarkeria matxistaren biktimak
2024/06/29 - 15:54
Hiru emakume hil dituzte 24 orduan Andaluzian
34 urteko gizon batek haren bikotekidea, 20 urteko neska bat, eta horren ama, 49 urtekoa, hil ditu Zafarrayan (Granada). Gainera, 76 urteko emakume bat itota topatu dute Fuengirolan (Malaga). Polizia Nazionalak haren bikotekidea atxilotu du.
2024/06/28 - 23:18
Elkarretaratze jendetsua egin dute Urruñan, desagertutako emakumearen kasua salatzeko
Baionako prokuradorearen arabera, hipotesia nagusia hilketa matxista da, baina oraindik ezin izan dute gorpua aurkitu. Eragile feministek salatu dutenez, sistemak huts egin du beste behin emakumeen ongizatea eta bizia babesteko orduan, eta baliabide gehiago eskatu dituzte horretarako.
2024/06/27 - 23:03
Lehen ikerketek Urruñan desagertutako emakumearen senarra, jendarme ohia, jotzen dute susmagarri nagusitzat
Senarra behin-behineko espetxealdian dago, eta hainbat arma zituen etxean. Arma horietako batzuk ezin izan dira miaketetan topatu, eta, haren izaerak, "hotza, isila eta enpatiarik gabekoa" ikertzaileen susmoak areagotzen ditu.
2024/06/27 - 22:10
Lau urteko espetxealdia ezarri diote Bizkaiko futbol entrenatzaile bati, neskato bati sexu-abusuagatik
Aurrekari polizialak ditu sexu-erasoekin lotuta. Bizkaiko Auzitegiak hamar urteko espetxe-zigorra ezarri zion pertsona horri martxoan, 2015ean eta 2017an bi gazteri sexu-erasoa egitea leporatuta.
2024/06/26 - 21:51
Emakume bat desagertu da Urruñan, eta epaileak behin-behineko espetxealdia ezarri dio haren senarrari
Jendarmeriak lekukoen laguntza eskatu du ostiralean desagertu zen Laure Zacchello aurkitzeko. Baionako fiskalak prentsaurrekoa eskainiko du ostegunean, 15:30ean, ikerketaren inguruko xehetasun gehiago emateko.
2024/06/25 - 12:29
Joan den astean Madrilen bikotekideak hil zuen emakumearen burua topatu dute poltsa baten barruan
Soto del Real herrian aurkitu dute emakumearen burua, sastraka artean. Ikertzaileen arabera, joan den astean hil zuen gizonak emakumea tirokatuta etxebizitza batean, eta ondoren, burua moztu zion.
2024/06/24 - 19:24
Gizon bat atxilotu dute Iurretan, sexu-erasoa egitea egotzita
Larunbat goizaldean atxilotu zuten gizonezkoa, emakume batek jarritako salaketaren ondoren, atxiloketaren berri orain zabaldu den arren. Epailearen esku utzi zain dago atxilotua.
2024/06/23 - 20:22
Emakumeen aurkako erasoek gora egiten jarraitu dute Euskadin, maiatzera bitartean 2.900 salaketarekin
Iazko epe berdinarekin alderatuta, emakumeen aurkako erasoak % 18,1 hazi dira. Eraso motari erreparatuta, sexu-askatasunaren aurkako delituak % 22 igo dira, eta bikotekideak nahiz bikotekide ohiak egindako erasoak, berriz, % 17.
2024/06/23 - 12:35
19 urteko emakume batek sexu-eraso bat salatu du Hazparneko jaietan
Gaztea konorte barik kalean aurkitu zuten lagunek. Baionako ospitalera eraman dute, eta Poliziak ikerketa abiatu du.
2024/06/22 - 00:36
Gazte bat atxilotu dute Irunen emakume bati sexu-erasoa egiteagatik eta pertsona transexual bat iraintzeagatik
Atxilotuak aurrekariak ditu lesio eta mehatxu delituengatik, baina epaileak aske utzi du kautelazko neurriekin.
2024/06/19 - 15:16
Gizon bat atxilotu dute Gasteizen prostituta bati sexu erasoa egitea leporatuta
Udaleko iturriek jakinarazi dutenez, hasiera batean baimendutako sexu harremanak izan bazituzten ere, gerora gizonak beste sexu praktika bat egitera behartu nahi izan zuen emakumea.
2024/06/18 - 11:34
Aske geratu da sexu erasoa egitea egotzita Bilbon atxilotutako 21 urteko fisioterapeuta
Gizonezkoa atzo arratsaldean igaro zen epailearen aurretik, eta horrek libre uztea ebatzi zuen. Dena dela, ez dute jakinarazi kautelazko neurriren bat ezarri ote zioten. Erasoa kontsulta batean gertatu zen, biktimak belaunean zuen lesio bat artatzera joan zenean.
2024/06/17 - 21:17
21 urteko fisioterapeuta bat atxilotu dute Bilbon, kontsulta batean sexu-erasoa egitea leporatuta
Emakumeak azaldu duenez, belauneko lesio bat artatzeko zain zela egin dio eraso gizonak. Hori dela eta, salaketa jarri du Ertzaintzan, mediku-laguntza jaso ondoren.
2024/06/17 - 17:34
Epaileak espetxera bidali du, behin behinean, sexu-erasoa egotzita Gasteizen atxilotutako mutila
Erasoa igande goizaldean jazo zen. Ustezko erasotzailea, 18 urteko mutil bat, lekutik gertu atxilotu zuten.
2024/06/16 - 20:44
18 urteko mutil bat atxilotu dute Gasteizen, sexu-erasoa egotzita
Ondorengo orduetan eramango dute epailearen aurrera. Arratsaldean elkarretaratzea egin dute Ibailakua auzoan, erasoa salatzeko eta biktimari elkartasuna adierazteko.
2024/06/14 - 13:30
Genero indarkeriagatik jarritako salaketak % 44 igo dira Nafarroan eta % 9 EAEn 2024ko lehen hiruhilekoan
Nafarroak du 10.000 emakumeko genero indarkeria tasa altuena Espainiako Estatuan: 30,1.
2024/06/13 - 15:37
21 urteko kartzela zigorra ezarri diote gizon bati Atxurin bikotekide ohia hiltzen ahalegintzeagatik
Halaber, 600.000 euroko kalte ordaina eman beharko dio biktimari eragindako "erredura larriengatik".
2024/06/12 - 13:21
De Pedro futbolari ohia espetxeratu dute, indarkeria matxistagatik 9 hilabeteko zigorra betetzeko
Realeko jokalari ohia bart atxilotu du Ertzaintzak, hain zuzen ere, bera bilatzeko eta atxilotzeko epaile baten agindua indarrean zegoelako. Gainera, De Pedrok aurrekariak ditu indarkeria matxistagatik.
2024/06/09 - 21:34
Etxebarriko bizilagunek bat egin dute jaietan emakume batek jasandako sexu-erasoa gaitzesteko
San Antonioko jai batzordeak, txosnek eta Udalak elkarretaratzea deitu dute herriko jaietan emakume batek jasandako erasoa salatzeko.
2024/06/09 - 17:00
Etxebarrin izandako sexu-eraso bat ikertzen ari da Ertzaintza
San Antonioko jaiak ospatzen ari den udalerrian sexu-erasoa egin diotela salatu du larunbatean emakume batek. San Antonioko Jai Batzordeak, txosnek eta Etxebarriko Udalak elkarretaratzea deitu dute gaur, 17:00etan.