Ingurumena

2023/07/02 - 19:43

Tourreko helikoptero batek oreinkume baten irudia harrapatu du Salburuako hezegunean

Txirrindularien pelotoia Gasteiztik abiatu denean ikusi ahal izan ditugu irudi horiek. Tourreko lehenengo hiru etapek irudi bitxiak eskaini dizkigu gurean, Euskadin.

2023/07/02 - 15:20

Bizkaiko eta Nafarroako golf-zelai batzuetako zuloak estali dituzte klima-ekintzaileek, ur xahuketa salatzeko

Goizaldean, zementuz bete dituzte golf-zelai batzuetako zuloak, eta ondorengo mezuak zioten pankartak zabaldu dituzte: "Adi: lehortea! Golf-zelaia itxita, justizia klimatikoa dela eta" edota "Ura guztion ondasuna da".

2023/06/29 - 12:54

Tapiak salatu duenez, "Verter Recyclingek ez ditu behar bezala egin Zaldibarko zabortegiaren kontrol lanak"

Ondorioz, Ekonomiaren Garapen, Jasangarritasun eta Ingurumen sailburuaren esanetan, "azpiegituraren baldintzak nabarmen okertu dira". Egoera horren aurrean, Eusko Jaurlaritzak iragarri du zabortegiaren titulartasuna berriro hartu eta egonkortasunari buruzko beste azterketa bat eskatuko duela.

2023/06/27 - 10:11

Industria eguzki plakak birziklatzeko sistemen bila ari da, energia berriztagarria zabortegira ez botatzeko

Instalazio fotovoltaikoak gero eta gehiago dira, baina oraindik garatzeke daude materialak birziklatzeko sistema eraginkorrak, energia berriztagarriaren zikloa modu egokian itxi ahal izateko. Gaur egun eguzki plakak ez dira birziklatzen Hego Euskal Herrian.

2023/06/23 - 10:11

Turismo "berdea" Euskadin, goraka doan sektorea

Euskadi liderra da Estatuko rankingean Europako etiketa ekologikoa duten ostatuen artean. Gaur egun 37 ostatuk dute ziurtagiria, baina gora doa eskaera; izan ere, azken boladan ostatuen sektoreak ere bat egin du jasangarritasunarekin.

2023/06/22 - 21:08

Urre koloreko txakala izan litekeen espeziea grabatu dute Araban

Burgosko mugan agertu da Balkanetan eta Asia hegoaldean bizi den animalia. Iberiar penintsulan bizirik agertzen den lehenengoa da. Martxoan txakal bat hil zen Agurainen, ibilgailu batek harrapatuta.

2023/06/20 - 19:20

2030erako EBren "estandar berriak urratuko lituzkeen" airea arnastu zuten herritarren % 70ek

Ekologistak Martxan-ek salatu duenez, kutsadurak herritar guztiei eragin zien 2022an, OMEk gomendatutako balioak kontuan hartuta, baina ez ziren gainditu legezko mugak, gomendio horiek baino laxoagoak baitira.

2023/06/15 - 11:08

Zaldibarko zabortegiaren lurrak "egonkor" daude eta ez dago erortzeko arriskurik, Tapiaren esanetan

Sailburuak azaldu du Jaurlaritzak hasierako mantenu lanak egin zituela, baina hortik aurrera Verter Recycling enpresaren administratzaile konkurtsalari zegokiola horiekin jarraitzea, eta ez dituela egin. "Hiru errekerimendu egin dizkiogu eta jarraipen zehatza egin diogu gaiari", azpimarratu du.

2023/06/07 - 09:25

EHUko ikerlari talde batek 10.000 aldiz birkarga daitekeen bateria konpostagarria sortzea lortu du

Erlantz Lizundia Bilboko Ingeniaritza Eskolako irakasle eta ikerketaren egileetako batek azaldu digunez, litiozko baterien ordezkoak izan litezke etorkizunean, material merke eta jasangariak erabiltzen baitituzte.

2023/06/06 - 17:25

Gizakiok sorturiko CO2-aren % 40 itsasora doa

Ozeanoen Mundu Eguna izango da ekainaren 8an. Ozeanoek eta itsasoek osatzen dute lurraren % 71 eta uraren % 97 ozeanoetan aurkitzen da. Gizakiok sorturiko beroaren % 90 ozeanoek xurgatzen dute eta ondorioz tenperatura eta itsas maila hazi egiten dira.

2023/06/06 - 16:18

Ia bi tona hondakin jaso dituzte Arabako, Bizkaiko eta Gipuzkoako 22 naturagunetan

Jasotako hondakin guztien % 19 zigarro puntak dira. Horrez gain, latak, beira eta zapi bustiak bildu dituzte, gehien bat.

2023/06/06 - 14:04

Hamaika milioi tona plastiko iristen dira urtero ozeanoetara eta 800 itsas-espeziei eragiten die

400 milioi tona plastiko sortzen ditu gizakiak urtero, zeinak kutsadura handia eragiten duen ingurumenean. Bizkaiko Golkoa, esaterako, irteerarik gabeko kale itsua da plastikoarentzat. Aztik bertan aztertutako hamar ur laginetatik bederatzitan mikroplastikoak atzeman dituzte.

2023/06/05 - 22:49

Alonsotegin 3 mastinek ardi bat hil eta beste zenbait zauritu dituztela salatu du Eguzki elkarte ekologistak

Irudirik egon ezean, otsoren bat izan dela uste izaten da gehienetan. Horregatik, Eguzki erakunde ekologistatik, beraiek grabatutako bideo honekin, euren ustea defendatu dute sare sozialen bidez: otsoa ez dela abeltzainen arazo nagusia, beste bat gehiago baizik.

2023/06/05 - 10:21

Albiste izango dira: Ingurumenaren eguna, Zainketa Aringarrien Plana eta Arriaga Antzokiaren egitaraua

Gaurkoan albiste izango direnen laburpena, hitz bitan.

2023/06/01 - 12:15

Noelia Zafra (BC3): ''Gizakiok sortu dugu arazoa, baina konponbidearen parte ere bagara''

Ingurumenaren narriduraren mugara iritsi dela Lurra planeta diote zientzialariek Nature aldizkarian argitaratutako azken txostenean. Noelia Zafra ikerlariak (Basque Center for Climate Change) egoera azaldu eta konponbideen berri eman du.

2023/05/31 - 20:28

Dagoeneko ingurumenaren narriadurak segurtasun mugak gainditzen dituela ohartarazi dute zientzialariek

Future Earth nazioarteko erakundeak deituta, Lurraren Batzordeko 50 bat ikertzailek euren lanaren ondorioak argitaratu dituzte 'Nature' aldizkarian.

2023/05/31 - 12:28

Everesteko kanpamentu nagusia zabortegi erraldoi bihurtu da

Everest mendiaren kanpamentu nagusia zaborrez lepo dago mendizale espedizioek bertan utzi duten zaborraren ondorioz. Arazoa larria da munduko mendirik altuenean zein hark biltzen dituen inguruetan; Makalutik eta Annapurnatik, esaterako, 3,7 milioi tona zabor atera dituzte.

2023/05/30 - 20:40

Izokinen eta aingiren balioa neurtu du AZTIk: 25 milioi euro gutxienez

Arantza Murillas AZTIko ikertzaileak azaldu duenez, arrain diadromoek —ibaien eta itsasoen artean migratzen dute eta desagertzeko arriskuan daude— balio handia dute, ekonomikoaz haratago.

2023/05/30 - 16:47

Krispiñako araztegia, Euskadin ur gehien berrerabiltzen duena

Krispiñako (Gasteiz) araztegia da Euskadin hondakin-ur gehien arazten eta berrerabiltzen duena. Uda garaian, araztutako uraren erdia inguruko lursailak ureztatzeko erabiltzen da. Beste % 5 planta hozteko berrerabiltzen dute. Hamabost ordu behar izaten dira batez beste arazte prosezua egiteko.

2023/05/28 - 11:58

Ia 1.600 lagun atxilotu eta 40 inputatu dituzte Hagan, erregai fosilen aurkako manifestazio batean

Extinction Rebellion taldeak antolatutako bost orduko autobide blokeoaren ondoren, Poliziak intentsitate txikiko ur kanoiekin esku hartu zuen.