Suteak

2024/11/25 - 18:45

Sute handi batek 8.000 pertsona inguru etxerik gabe utzi ditu Manilako txabola-auzo batean

Sutea Manilako Ipar Portuko kai-muturraren gainean dagoen txabola-auzo batean gertatu da. Agintariek ez dute zehaztu suteak hildakorik edo zauriturik utzi duen.

2024/11/24 - 13:56

Arrigorriagako industria-pabiloi batean izandako sutearen ustezko egilea atxilotu du Ertzaintzak

Sutea urriaren 24an gertatu zen, eta, horren ondorioz, bertako zortzi enpresa kiskalita geratu ziren. Suak hiru milioi euroko kalteak eragin zituen, eta bertan lo egiten zuen familia arriskuan jarri zuen.

2024/11/19 - 11:47

''Leihotik begiratu nuenerako, garrak nire gelaren parean zeuden; etxea txikituta daukat''

Sutea piztu da bart Barakaldoko La Torre kaleko 17. zenbakian (Maiatzak 1 etxaldea) etxebizitza eraikin batean, eta lau familiak etxetik kanpo igaro dute gaua eraikinak egituran kalte handiak izan dituelako, Amaia del Campo alkateak azaldu duenez.

2024/11/19 - 09:24

Barakaldoko etxebizitza eraikin bateko lau familiak etxetik kanpo igaro dute gaua, sute baten ondorioz

Suak gehien kaltetutako lau etxeetako bizilagunak ezingo dira tarte batean itzuli. Garrak argindar-kableetan piztu dira, eta langile bat zaurituta eraman dute Gurutzetako Ospitalera.

2024/11/19 - 08:58

Lau familiak etxetik kanpo igaro dute gaua, Barakaldon izandako sutearen ondorioz

Barakaldoko La Torre kaleko 17. zenbakian sutea izan den eraikineko lau etxebizitzetako bizilagunak ezin izan dira beren etxeetara itzuli, eraikinaren fatxadaren egituran kalteak izan direlako.

2024/11/18 - 23:05

Hainbat bloketako bizilagunak etxetik atera behar izan dituzte Barakaldon, sute baten ondorioz

Sua 19:50ean piztu da Barakaldoko Maiatzaren Bata etxaldean. Dirudienez, gas ihes batek eragin du sutea. Pertsona bat artatu behar izan dute osasun zerbitzuek.

2024/11/16 - 12:33

Gutxienez 10 jaioberri hil eta 16 zauritu dira Indiako ospitale batean izandako sute baten ondorioz

India iparraldeko Jhansi hiriko ospitale bateko jaioberrien unitatean jazo da ezbeharra. Lehen ikerketen arabera, oxigeno makinetako bat matxuratu egin da, eta horrek eragin du sutea.

2024/11/15 - 10:26

Hamar pertsona hil dira Zaragozako adinekoen egoitza batean piztu den sutean

05:00ak aldera piztu da sua Villafranca de Ebroko Jardines de Villafranca erresidentzian. Ordu horretan 82 lagun zeuden egoitzan, Aragoiko Gobernuak jakitera eman duenez.

2024/10/28 - 21:11

Lau solairuko eraikin bateko bizilagunak etxetik atera dituzte Zarautzen, sute baten ondorioz

Sutea etxe baten sukaldean piztu da.

2024/10/28 - 09:42

Lurraldebuseko autobus bat guztiz kiskali da, su hartuta, Bilboko sarreran

Dirudienez, Donostia-Bilbao linea egiten ari zen ibilgailuari gurpil bat lehertu zaio, eta su hartu du. Intermodal geltokitik metro gutxira hustu dute autobusa. Ibilgailua erabat kiskali da.

2024/10/25 - 18:02

Itzali dute bart Arrigorriagako aroztegi batean piztutako sua

Sua 23:00etan piztu zen, Atxukarro industrialdeko aroztegi zahar horretan. Zorionez ordu horretan itxita zegoen lantegia eta ez da inor zauritu. Hamalau orduz jardun dira suhiltzaileak garrak itzaltzeko lanetan.

2024/10/25 - 11:31

Zauriturik gabeko sutea Arrigorriagako pabiloi batean

Bizkaiko suhiltzaileek orduak eman dituzte Arrigorriagako Atxukarro industrialdeko pabiloi batean piztutako sutea itzaltzen.

2024/10/22 - 10:01

Hainbat ordu behar izan dituzte Nervacero enpresan piztutako sutea itzaltzeko

Bizkaiko suhiltzaileek "Colossus" robota izan dute lagun amatatze lanetan. Txatarra pila batean hasi ziren garrak, eta kalte materialak handiak dira. Zorionez, ez da inor zauritu.

2024/10/22 - 09:23

Amatatu dute Nervacero enpresan bart piztutako sutea, Trapagaranen

Suhiltzaileak bertan daude txatarra pila freskatzen. Garrak atzo gauean piztu ziren hondakin metalikoak pilatzen diren eremu batean. Ez zen inor zauritu baina kalte materialak handiak dira. Lehen aldiz, suteak itzaltzeko robota erabili dute.

2024/10/22 - 00:33

Txatarra pila batek su hartu du Nervacero enpresan, Trapagaranen

Bi leherketa izan ostean, sutea hondakin metalikoak pilatzen diren eremu batean hasi da, eta ez zegoen langilerik bertan. Ondorioz, ez da inor zauritu, eta suhiltzaileek ez dute beharginik erreskatatu behar izan.

2024/10/19 - 14:41

Sute batek oilasko-etxalde bat kiskali du Azkoienen

Larrialdietako iturriek jakitera eman dutenez, sutea 08:38an hasi da, NA-128 errepideko 2. kilometroan dagoen etxaldean. Azkoiengo suhiltzaileak eta Tafallakoak bertaratu dira laguntzera.

2024/10/18 - 07:00

Bizkaiko suhiltzaileek robot baten laguntza izango dute sute arriskutsuenetan

Notre Dameko katedralean erabilitako robot hau bakarra izango da Espainiako Estatuan. Bi suhiltzailek urrunetik kontrolatzen duten robotak suhiltzaileak sartu ezin diren tokietan egin dezake lan, pertsonentzako arriskua gutxituta.

2024/10/12 - 14:29

Bi pertsona ospitaleratu dituzte, Iruñeko etxebizitza batean piztutako sutean kea arnasteagatik

Kea eraikinean zabaldu da eskaileretatik barrena, eta, ondorioz, bizilagunak etxetik atera behar izan dituzte. Dena den, sua berehala itzali dute.

2024/10/12 - 13:28

Txileko Notre Dame: sute ikaragarri batek Paduako San Antonio eliza kiskali du

Eliza guztiz suntsituta geratu da. Sugarrak inguruko eraikinetara zabaldu dira, eta hiru etxebizitza eta tailer bat kaltetu dira. Hiru pertsona zauritu dira.

2024/10/06 - 13:56

Bikote bat eta bere bi semeak hil dira Sevillan, euren etxebizitzan piztutako sute batean

Ezbeharra Guillena udalerrian jazo da. Ama, aita eta 16 eta 20 urteko bi semeak hil dira. 08:00etan jakinarazi diete larrialdi zerbitzuei etxebizitza batean sutea piztu dela eta hainbat lagun barruan harrapatuta zeudela.