Maiatzaren Lehena Frantzian, istiluen eta ezkerraren gertuko akordio baten ildotik
Parisko istiluek lausotuta, Maiatzaren Lehenak milaka manifestari bildu ditu Frantziako hiri desberdinetan, ekaineko hauteskunde legegileei begira ezkerreko alderdien koalizio baten hurbiltasunak markatutako giroan.
Aurreko urteetan bezala, Frantziako hiriburuan manifestazio nagusitik kanpoko istiluak izan dira. Talde erradikal horiek hiri-altzariak, jatetxeak zein banketxeak apurtu eta erre dituzte.
Errepublikaren plazatik gorabeherarik gabe atera den martxa baimendunetik banandu dira batzuk, León Blum plazan biltzeko, Voltaire bulebarraren parean. Poliziak gas negar-eragilea jaurti du, manifestariak sakabanatzeko.
"Bandaloek Maiatzaren 1eko manifestazioak zapuztu dituzte, Parisen bereziki, indarkeria onartezina baliatuz. Erabateko babesa Segurtasun Indarrei", adierazi du Gérald Darmanin Frantziako Barne ministroak, Twitter bitartez.
Haustura sozial gorakorra
Langileen Eguneko manifestazioa, ezkerreko sindikatu eta alderdiek bultzatutakoa, Frantziako haustura sozial giroan egin da. Emmanuel Macron Errepublikako presidente zentristaren neurriek eragin dute haustura hori. Joan den igandean berrautatu zuten, beste bost urterako.
Presidentetzarako hauteskundeetako bigarren itzulian Macronek Marine Le Pen ultraeskuindarrari irabazi eta astebetera izan dira protestak, ezkerraren botoei esker hein handi batean, lehen itzulian kanpoan gelditu arren, botoen % 22 lortuta.
Manifestazioan botatako mezuen artean, ugariak izan dira jubilazio adina aurreratzearen aldekoak, Macronek 62 urtetik 65 urtera luzatu nahi baitu, eta soldata minimoa handitzearen aldekoak.
Hauteskunde legegileetarako bost aste falta diren honetan, protestako mezuek hauteskunde kutsua ere izan dute; bereziki, ezkerrak baterako hautagaitzan biltzea duelako helburutzat, Macronen botereari aurre egingo liokeen Asanblean presentzia ona izateko.
Manifestazioa abiatu aurretik, Jean-Luc Mélenchonek, Frantzia Intsumisoa (LFI) boto gehien jaso dituen ezkerreko indarraren buruak, mitin laburra egin du Errepublika plazan, ehunka militanteren aurrean.
Zure interesekoa izan daiteke
Mahai Sektoriala uzteko mehatxua egin du UGTk Osakidetzak medikuei "tratu pribilegiatua" ematen dien "ezkutuko estatutua" bultzatzen badu
UGT izan da astelehen honetan aurkeztuko den proposamenari erantzun dion lehen sindikatua, nahiz eta aurreko batzuetan Osakidetzan ordezkaritza duten beste erakunde batzuek ere kritikatu izan duten medikuei ematen zaien "mesede-tratua".
Guardien eta soldaten sisteman hobekuntzak jasotzen dituen akordio-proposamena aurkeztuko du Osakidetzak astelehenean
Euskadiko Medikuen Sindikatuak positibotzat jo du proposamena, baina irailerako aurreikusitako greba mugagabearen deialdiari eutsi dio, Osasun Ministerioarekin ez baitago adostasunik Estatutu Marko propioaren inguruan.
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.