35 urteko langile bat hil da Ondarroan izandako lan istripu batean
35 urteko langile bat hil da Ondarroako etxebizitza eraikin bateko leihoa mozten ari zela, EITB Mediak jakin ahal izan duenez.
Atzo eguerdian aurkitu zuten hildako gizonaren gorpua Itxas Aurre kalean zaharberritzen ari diren etxebizitza batean, baina ez dago argi noiz eta nola zendu zen.
Osalanek ikerketa abiatu du istripua noiz eta nola gertatu zen argitzeko. Itxuraz, leiho baten markoa mozten ari zela lepoan ebakia egin eta hil zen.
Lan ezbeharra larunbatean gertatu zela uste du Osalanek, hildakoak asteburuan lanera joango zela esan omen zielako lankideei. Itxuraz, lanean bakarrik ari zela gertatu zitzaion istripua eta atzo bere lankideak itzuli zirenean aurkitu zuten hilotza.
Enkargatu lanetan ari zen igeltseroak bost hilabete zeramatzan Zero Plus Berrikuntzak enpresan lanean.
ELA, LAB, ESK, Steilas, Etxalde eta Hiru sindikatuek elkarretaratzea deitu dute ostegun honetarako 12:00etan, Ondarroako Itsas Aurre plazan, lan-istripua salatzeko.
ELAk salatu duenez, "dagoeneko 23 hildako izan dira lan-istripuan" Hegoaldean, eta ikerketa bat eskatu du, "gertatutakoa argitzeko eta erantzukizunak garbitzeko".
ELAk gogorarazi duenez, eraikuntza "prekarietateak gehien astindutako sektoreetako bat da, eta ondorioz, ezbehar-kopuru handienetako bat du".
Sindikatu abertzaleak ohartarazi duenez, kasu honetan, "langilea makineria arriskutsuarekin ebakitzen ari zen, asteburuan eta bakar-bakarrik; soilik bost hilabete zeramatzan lanean enpresan. Istripuaren unean ez zuen inolako babesik, horregatik hil eta egunetara aurkitu dute".
"Prekarietateak suposatzen duenaren beste adibide deitoragarri bat da", salatu du sindikatuak. "Ezbeharren arrazoiak sobera ezagunak dira, premiazko neurriak beharrezkoak dira", azpimarratu du.
Bestalde, LABek ohartarazi duenez, "aurten eraikuntzako zortzi behargin hil dira". "Langileak aparteko orduak sartu behar dituzte; gainera, larunbatean, eta astean ordu kopuru izugarria egin", erantsi du. "Nekea arrisku faktore bat dela jakinda, nork kontrolatzen du arrisku hori?", galdetu du.
Testuinguru honetan, Iñigo Urkullu lehendakaria, "patronalaren eskutik helduta, absentismoaren aurka" agertzea kritikatu du LABek. "Laneko hilketen aurka noiz azalduko da?", galdegin dio.
Zure interesekoa izan daiteke
100 mila pertsonak baino gehiagok eman du izena Osakidetzako LEParen lehen fasean
Orain arteko prozesuetan inoiz izan den izen-emate kopururik handiena izan da. Fase honetan 9 kategoriatarako lanpostuak eskaini dira, besteak beste, administrari, erizain eta zeladore postuak. Azterketak ekainean izango dira.
Torres beldur da Tubos Reunidosen edo Tubacexen bezala ez ote duen Irango gerrak beste batzuengan ere eragingo
Mikel Torres lehendakariorde eta Ekonomia, Lan eta Enplegu sailburuak adierazi duenez, Iranen gatazkak bere horretan jarraitzen badu, eragina izango du "ziurrenik" euskal industrian; Tubos Reunidosko EEEa eta Tubacexen etor litekeen aldi baterako erregulazioko espedientea, kasu. Izan ere, Torresen hitzetan, "euskal industria sektorea oso lotuta dago nazioarteko merkataritza horrekin eta egoera energetikoarekin".
Euskal unibertsitate-tituludunen % 78k Euskadin jarraitzen dute; Lanbide Heziketaren kasuan, % 94k
Unibertsitateko tituludunen artean, % 22 Euskaditik kanpo ateratzen dira, baina gehienak "arrazoi pertsonalengatik" ateratzen dira, 'Talentu-ihesa Euskadin' diagnostiko-txostenaren arabera.
Bruselak energiari buruzko neurriak aurkeztu ditu: argindarraren zergetan beherapenak, baina telelanik ez
Europako Batzordeak berehalako laguntzak proposatu ditu, elektrifikazioa bizkortzeko eta erregai fosilekiko mendekotasuna murrizteko egiturazko neurriekin.
Lufthansak 20.000 hegaldi bertan behera utziko ditu urrira arte, erregaia aurrezteko
Lufthansa taldeak jakinarazi duenez, neurriaren bidez 40.000 tona keroseno aurreztuko dituzte. Izan ere, Irango gerra hasi zenetik bikoiztu egin da erregai horren prezioa.
Tubacexen zuzendaritza neurriak hartzea aztertzen ari da, Ormuzko itxierak lan karga jaistea eskarri duelako
Tubacexek lantegiak ditu Laudion eta Amurrion, eta ez du baztertzen aldi baterako lan-erregulazioko espedientea aurkeztea.
ELAk eta LABek salatu egin dute etxebizitzaren arloko premiazko neurrien dekretuak jabeei egiten diela mesede
Tentsio handiko eremuetan alokairurako erreferentziazko prezioen indizeari dagokionez, zentralek uste dute "prezioen igoera sendotzen" laguntzen duela. "Igoerei muga jartzen zaien arren, prezioek gora egiten jarrai dezakete", esan dute.
Espainiako aire sektoreko patronalak dio erregai hornidura nahikoa izango dela udarako
Aurreikuspenen arabera, iazko datuekin alderatuta, bidaiari kopurua % 5,7 haztea espero dute Espainiako aire konpainiek uda honetan. 260 milioi euroko fakturazioa espero dute.
Esportazioek behera egin dute Hego Euskal Herrian, energiaren prezioen jaitsierak eta automobilgintzaren eraginak bultzatuta
Euskadik eta Nafarroako kanpo-merkataritzako salmentak murriztu egin dira otsailean, % 5,9 eta % 7,7, hurrenez hurren, urteko kopuru metatuari erreparatuta. Merkataritza-saldoak, ordea, positiboan jarraitzen du bi lurraldeetan.
20.000 enplegu baino gehiago sortzea aurreikusten du Eusko Jaurlaritzak onartutako 2025-2027 Enplegu Planak
Hiru urterako planak Eusko Jaurlaritzaren, foro aldundien eta toki erakundeen arteko koordinazioa indartu nahi du, baita gizarte eta Ekonomia eragileekiko lankidetza ere.