Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Arabako Foru Aldundiko Ogasun Sailak 181 milioi euro itzuli dizkie zergadunei 2024ko errenta-kanpainaren barruan. Aurten, 200.457 aitorpen aurkeztu dituzte guztira Arabako herritarrek, aurreko ekitaldian baino % 3 gehiago.
Itziar Gonzalo Ogasun diputatuak eman du azken errenta-kanpainaren balantzearen berri. Bere ustez, aitorpen kopuruaren hazkundea "Arabako ekonomiaren martxa onaren sintoma" da.
Foru Ogasunak aitorpen guztien % 68 egin du, 138.085. Beste 44.873 Gasteizko, Laudioko eta Guardiako bulegoetan egin dira, eta 93.212 zergadunei bidali zaizkie Rentafacil atariaren bidez.
Guztiak kontuan hartuta, 138.728 aitorpen itzultzekoak izan dira. Hain zuzen ere, Ogasunak 181,7 milioi euro itzuli behar izan ditu, batez beste, 1.309,8 euro zergadun bakoitzeko.
Ordaintzekoak, berriz, 51.828 aitorpen izan dira eta, 109,8 milioi euro jaso ditu Ogasunak kanpaina honetan, batez beste, 2.119,3 euro zergaduneko.
Beraz, guztira, Arabako Ogasunak bildu duena baino 71,9 milioi gehiago itzuli ditu.
Ogasuneko diputatuak adierazi duenez, aurkeztutako aitorpenetan lan-etekin garbiak % 5,86 igo dira, "lan-merkatuaren portaera onaren eta 2024an langabeziak Araban izan duen jaitsieraren ondorio”. Gainera, aurrezki-oinarria % 27,6 hazi da interes-tasen igoeragatik eta dibidenduen gorakadagatik.
Bestalde, etxebizitza alokatzeagatiko kenkariak % 7,2 egin du gora, eta ohiko etxebizitzan inbertitzeagatiko kenkariak % 1,9.
Gonzalok azpimarratu du zergadunentzat eragin positiboa izan dutela, besteak beste, tarifa orokorrean izan den 2,5eko deflaktazioak eta 30.000 eurotik beherako errentetarako 200 euroko murrizketak.
Halaber, nabarmendu du normaltasuna izan dela nagusi kanpainan zehar. Azaldu du aitorpenak aurkezteko data luzatzea hitzorduen eskaera handiaren eta aitorpenen kopurua espero zena baino handiagoa izatearen ondorio izan dela.
Zure interesekoa izan daiteke
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.