Sute handi batek Getxoko gaztetxea izandakoa kiskali du
Sute handia piztu da goizean Getxoko gaztetxea izandakoan, Errekagane kalean. Garrek erabat kiskali dute orain abandonatuta zegoen eraikina. Sutea dela eta, Bilboko metro zerbitzua hiru orduz eten behar izan dute Aiboa (Getxo) eta Astrabudua (Erandio) geltokien artean.
Bizkaiko suhiltzaileek jakinarazi dutenez, hiru pertsona atera behar izan dituzte bertatik, baina ez da inor zauritu. Sua piztu denean, bi pertsona zeuden eraikinaren barruan, eta suhiltzaileek bertatik ateratzera behartu dituzte. Halaber, ondoko etxebizitza bateko bizilagun bat ere etxetik atera dute, badaezpadako neurri gisa.
Eusko Jaurlaritzako Segurtasun Sailaren esanetan, 09:40an piztu da sua, eta suhiltzaileek goizeko hamaiketarako garrak kontrolpean hartu badituzte ere, sua erabat itzaltzeko lanean jarraitzen dute. Suaren ondorioz, eraikinaren egurrezko teilatua erori da, eta horrek zaildu egin ditu itzaltzeko lanak.
Suteak ez du kalterik egin Bilboko Metroaren instalazioetan, baina argindarra eten da, eta, ondorioz, metro zerbitzua ere bertan behera gelditu da Aiboa eta Astrabudua artean, hiru orduz. Denbora horretan, autobusak egon dira zerbitzua eskaintzen.
Metro Bilbaok jakinarazi duenez, 13:15ean berrezarri dute zerbitzua.
Ke lainoa urrutitik ikus daiteke. Argazkia: @poetacoliflor
Bestalde, Getxoko Udalak Errekaganeko pabiloiak birgaitzeko konpromisoa berretsi du gaur, goizean piztutako sutearen ondoren.
Imanol Landa alkateak berretsi duenez, haren udal taldeak pabiloiak birgaitzeko proiektuari eutsiko dio. Dena den, sutearen ondoren eraikinaren egoera zein den argitu arte ez dutela erabakirik hartuko azpimarratu du.
Haren esanetan, adituen eta teknikoen txostenek zehaztu dute eraikinaren egoera zein den eta sua nola piztu den.
Zure interesekoa izan daiteke
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.