Terrorismorik, pobreziarik eta goserik gabeko mundu bat eskatu dute haurrek
Etorkizuneko beren desioez galdetuta, terrorismorik, pobreziarik eta goserik gabeko mundu bat aldarrikatu dute mundu osoko haurrek, Nazio Batuen Haurren Laguntzarako Nazio Batuen Funtsak (UNICEF) Haurren Nazioarteko Eguna (azaroak 20) dela eta argitaratutako txostenaren arabera.
"Eskola gehiago eraikiko nituzke, haur guztiek gosaltzeko aukera izateko, irakasleak ikasgelara joan eta eskolak emateko, ikasleak maitatu eta zaintzeko"; "pobreziarekin eta gosearekin amaituko nuke"; "buruzagiek inolako arrazoirik gabe gerrak hastea eragotziko nuke, amen eta haurren sufrimendua saihesteko". Horiek dira mundu osoko haurrek beren egunaren harira egindako aldarrikapenetako batzuk.
Inkesta horren arabera, haurren kezka nagusiak hauek dira: indarkeria, terrorismoa, eskola jazarpena eta hezkuntza. Inkestan parte hartu duten adingabeen % 65 terrorismoak eta hezkuntzak kezkatzen ditu, eta % 40, ostera, errefuxiatu eta migratzaileei emandako tratuak.
Halaber, inkesta egin duten herrialde guztietako haurren iritziz, mundu osoko buruzagiek lan egin beharko lukete terrorismoari, hezkuntza arloko gabeziei eta pobreziari amaiera emateko.
UNICEF erakundeak azpimarratu duenez, duela 28 urte sinatu zuen Nazio Batuen Erakundeak haur guztien eskubideak jasotzen dituen hitzarmena. Ordutik, urtero ospatzen da, azaroaren 20an, haurren nazioarteko eguna. Gaur egun, 195 herrialdek onartu dute hitzarmena; AEB ez dago horien artean.
Albiste gehiago gizartea
Uztailaren 7ko entzierroa, iruditan
Cadizko ganadutegiko zezenek egin dute 2025eko sanferminetako lehen entzierroa. Animaliek eta entzierrozaleek eroriko ugari izan dituzte, aurreko orduetan euriak bustitako zoladura gainera erori direlako.
31 urteko gizon bat atxilotu dute Trebiñun, hiru adingaberi sexu-erasoa egitea leporatuta
Gutxienez bi hilabetez 12 eta 16 urte arteko biktimengana hurbildu zen gizona, opariak eta jolasak eskainiz. Espetxean sartu dute dagoeneko.
Auto-ilarak A-15 errepidean, Andoainen, hiru autok eta kamioi batek istripua izan dute eta
Ezbeharra 10:00ak aldera gertatu da, eta ez da inor zauritu. Hala ere, errei bat itxi dute eta auto-ilarak sortu dira Iruñerako noranzkoan.
Iñaki Elorza 'Txapas': "Lehen egunetako entzierroak etxekoentzat izaten dira, gehienbat"
Sanferminetako entzierroen zirrara entzuleei transmititzen urteak eman ditu Euskadi Irratiko esatari ohiak. Mikroa utzita, entzierroa hasi bitarteko lanetan laguntzen aritzen da orain.
Fuente Ymbrokoen entzierro zirraragarria San Fermin Egunean
Zezen eta korrikalarien eroriko ugari izan dira, baina ez dirudi adarkadarik egon denik, eta balantze ofizialaren arabera, sei korrikalari zauritu dira kolpeak jasota.
Fuente Ymbrokoen entzierro zirraragarria San Fermin Egunean
Zezen eta korrikalarien eroriko ugari izan dira, baina ez dirudi adarkadarik egon denik, eta balantze ofizialaren arabera, sei korrikalari zauritu dira kolpeak jasota.
Gizon bat hil da auto batek harrapatuta, Oiartzunen, eta gidariak ihes egin du
Ertzaintzak gidaria identifikatu du dagoeneko, eta izapideak ireki dizkiote ikertu gisa.
Uztailaren 7ko entzierroa: Fuente Ymbroko zezenak, azkarrak eta sakabanatuak, lehen entzierroko protagonistak
Fuente Ymbroko zezenek, sanferminetan ohikoak direnek, hemezortzigarren aldiz korritu dute entzierroa. Ezagunak dira abiadura eta presentzia homogeneoagatik, eta, oraingo honetan, Santo Domingo eta Monumental Pamplonesaren arteko 848 metroak egiten lehenak izan dira.
Albiste izango dira: Sanferminetako lehen entzierroa, Antxon Alonso Auzitegi Gorenean eta Euskadi zenbakitan 2025
Gaurkoan albiste izango direnen laburpena, bi hitzetan.
