Pandemiak adikzioak areagotu ditu, bai eta arazoak dituzten pertsonak artatzen dituzten elkarteen lana ere
Droga-zaletasunak dituzten pertsonekin lan egiten duten gobernuz kanpoko erakundeek 4.000 pertsona artatu dituzte 2020ko maiatzetik hona, etxeko konfinamendua amaitu zenetik. Uste baino altuagoa da kopuru hori.
Etorkintza, Gizakia, Jeiki eta Agipad elkarteek, Eusko Jaurlaritzako Gizarte Politikak Sailarekin elkarlanean, ERDU proiektua jarri zuten martxan 2020ko maiatzean, covid-19aren ondoriozko konfinamenduaren ostean adikzioei aurre nola egin aztertzeko.
Ordutik, elkarte horien "unitate ibiltariek" 837 irteera eta 3.981 esku-hartze egin dituzte, eta aurrez aurreko arreta eman diete 642 laguni. Gehienak (% 82) gizonezkoak dira, eta kontsumitzen duten substantzia kalamua eta alkohola dira kasu gehienetan.
Arduradunek azaldu dutenez, ERDU proiektuaren bitartez artatutako pertsonen kopurua espero zena baino altuagoa izan da, eta, baieztatu dutenez, "mendekotasunak eta buru osasun arazoak dituzten jende multzo bat bazterkeria larriko egoeran dago".
Ohartarazi dutenez, pertsona hauek babes sozialeko eta osasun sistematik at gelditzen dira sarri, baina, hain zuzen ere, "arreta espezializatua, eta gertuko eta komunitateko esku-hartzeak behar dituzte".
Bide digital eta teknologikoen bitartez 768 pertsona artatu dira. Kasu honetan ere, gizonezkoak dira gehien (%73). Horien artean, alkohola da gehien kontsumitzen den substantzia, eta kokaina eta kalamua daude horren atzetik.
Funtsean, mendekotasun-arazoak dituzten pertsona helduak dira, abstinentzia maneiatzeko zailtasunak dituztenak, eta horien senideek eta bizikidetza-testuinguruak abstinentzia horren ondoriozko gatazkak pairatu dituztenak. Horri gehitu behar zaizkio, besteak beste, emozioei eusteko zailtasuna eta jokabide disruptiboak edo isolamendu-jokabideak dituzten seme-alaba nerabeekin izandako familia-krisiak. Adikzioak dituzten pertsonekin izandako bizikidetza-krisiak eta beldurra eta bakardadea izan dira gehien artatu diren arazoak.
ERDU proiektuaren bitartez artatutako pertsona gehienei pandemiarekin igo egin zaie kontsumitzeko nahia eta antsietatea, eta jokabide disruptiboak izan dituzte.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".