IBMk bere superordenagailu kuantiko aurreratuena instalatuko du Donostian, eta Europako lehena izango da
IBMk aurten Donostian instalatuko duen superordenagailu kuantikoa Quantum System Two modeloa izango da, hau da, IBMren harribitxia, bere sistema kuantikoen artean aurreratuena, Eusko Jaurlaritzak eta AEBko konpainiak iragarri dutenez. Europa osoan lehena izango da.
Jaurlaritzak eta IBMk 2023an itxi zuten akordioak Quantum System One modeloa instalatzea aurreikusten zuen. Azkenean, baina, modelo berriena ekarriko dute Donostiara, 2025eko amaierarako.
Ordenagailu horrek konputazio klasikoak ebatzi ezin ditzakeen arazoak konpon ditzake, hala nola sendagai, material eta komunikazio sistema berriak garatzeko.
Imanol Pradales lehendakaria eta Eusko Jaurlaritzako eta Gipuzkoako Aldundiko ordezkariak IBMren Berrikuntza zentroan izan dira gaur, New Yorken.
Ordenagailua IBM-Euskadi Quantum Computational izeneko zentroan instalatuko dute, Ikerbasque Fundazioaren campus nagusian, Donostian.
IBMren egoitzara egindako bisitarekin, lehendakariak amaitutzat eman du AEBra egindako bidaia ofiziala.
Horren esanetan, "azpiegitura zientifiko honekin, Euskadi erreferentea izango da konputazio kauntikoan".
"Teknologia hau giltzarria izango da transformazio digitala gauzatzeko, eta abangoardiako azpiegitura zientifikoa emango digu gure zientzia, teknologia eta berrikuntza ekosistema indartzeko", nabarmendu du, eta gaineratu du System Two ordenagailua "aukera handia" izango da Euskadiren garapen ekonomiko eta sozialerako.
Bere aldetik, Eider Mendoza Gipuzkoako ahaldun nagusiak adierazi du ordenagailuak "abangoardiako ahalmenak" emango dituela Euskadiko industriaren eta zientziaren etorkizuna garatzeko.
"Gazteenen etorkizuna bermatuko duten sektore industrialen alde lan egiten ari garen honetan, ordenagailu kuantikoaren modelo aurreratuena edukitzea oso albiste ona da", nabarmendu du.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.