Abisu horia Euskadin, 21:00etatik gauerdira, 100 km/h baino gehiagoko haize-boladak ibiliko baitira
Eusko Jaurlaritzako Segurtasun Sailak abisu horia iragarri du asteazken honetarako, haize-boladek 100 km/h baino biziago joko baitute haizeguneetan, 21:00etatik 24:00etara.
Hego-ekialdeko haize-boladak ekialdeko mendi inguruetan ibiliko baitira bereziki, eta kostaldean, berriz, 80 eta 100 km/h abiadura hartuko dute.
Bestalde, haizeguneak ez diren lekuetan, ordu horiexetan, hego-ekialdeko haize-boladak 80 km/h-tik gorakoak izan daitezke, batez ere ekialdean. 00:00tik aurrera, gainera, baso-suteak izateko arriskua handia da, hegoaldeko haizearen intentsitatea eta hezetasun erlatibo txikia direla eta.
Ostegunean ere, abisu horia egongo da indarrean 00:00tik 15:00etara, eta hego-ekialdeko haize-boladek 100 km/h abiadura gaindi dezakete, bereziki ekialdeko mendi inguruetan. 03:00etatik 09:00etara, gogorragoak izango dira eta 110 km/h-ko abiadura gaindi dezakete. Kostaldean, haize-boladak 80-100 km/h ingurukoak izango dira.
Haizeguneak ez diren lekuetan, 00:00tik 15:00etara, hego-ekialdeko haize-boladek 80 km/h-ko abiadura gaindi dezakete, batez ere ekialdean. 03:00etatik 09:00etara, gogorragoak izango dira, eta 90-100 km/h-ko abiadura gaindi dezakete, batez ere Gipuzkoako barnealdean, Bizkaiko barnealdean eta Arabako ekialdean.
00:00tik 00:00tara, baso-suteak izateko arrisku handi samarra egongo da, hegoaldeko haizearen intentsitatea dela eta.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.