Paülseko suteak indar gutxiagoz jo du gaur, baina aktibo dago; konfinamendua bertan behera utzi dute
Orain arte, suak 3.300 hektarea inguru kiskali ditu, 1.125 inguru Els Portseko Parke Naturalaren barruan daude. Atzo, Salvador Illa Generalitateko presidenteak esan zuen "dena ondo bidean" gaur egonkortu daitekeela sutea.
Suteak 3.200 hektarea inguru kiskali ditu. Argazkia: EFE
Tarragonako Paüls herrian astelehenean piztutako sutea aktibo dago oraindik, baina intentsitate gutxiagorekin dabil jotzen. Konfinamenduari dagokionez, Kataluniako Generalitateko Babes Zibilak sei udalerritan utzi du bertan behera, baina indarrean jarraitzen du Paülsen. Babes Zibilak jakitera eman duenez, bizilagunek euren etxeetatik ateratzeko aukera izango dute, baina ezin izango dira inguruko udalerrietara joan.
Suhiltzaileen arabera, suaren %90 egonkortu da, baina oraindik ere kontuz ibili behar da. “Gaueko intentsitate berarekin jarraitzen badugu lanean eta baldintzek aireko baliabideekin jarraitzeko aukera ematen badigute, helburua da sutea egunean zehar egonkortutzat ematea”, azaldu du Joan Rovira suhiltzaileen Esku Hartzeko taldearen buruak.
Generalitateko Suhiltzaileek jakinarazi dutenez, suak 44 kilometroko perimetroa hartu du, eta inguru osoa ixteko lanetan aritu dira bart.
Lehen datuen arabera, 3.300 hektarea kiskali ditu suak, herena inguru Els Portseko Parke Naturalean. Erretako gehiena baso-lurra da (2.360 hektarea); laborantzara bideratutako lurrak (815 hektarea) eta herri-lurrak (24 hektarea) ere kaltetu dira, neurri apalagoan bada ere.
464 suhiltzaile ari dira parte hartzen itzaltze-lanetan.
Salvador Illa Generalitateko presidenteak atzo azaldu zuenez, "dena ondo bidean", espero dute operatiboa kudeatzen ari diren teknikoek gaur bertan kontrolatzea Paülseko sutea.
Paüls eta Xerta arteko TV-3541 errepideaz gain, T-301 (Benifallet eta Tivenys artekoa), TV-3422 (Alfara de Carles eta Aldover artekoa) eta N-230b (Xerta) itxita daude.
Zure interesekoa izan daiteke
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina "arratsaldean zehar" kamioia erretiratu arte, beste errepide batzuetatik bideratuko dute trafikoa.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.
Bi gidari hil dira istripuz astearte honetan Nafarroan
56 urteko motozale bat hil da Izaban, motorretik erorita. 60 urteko gizon bat hil da Esteribarren, ibilgailua bidetik irtenda.