Zer gertatzen ari da Torre Pachecon?
Arrazakeriak eztanda egin du Murtziako herrian, eta ultraeskuinak egoera baliatu nahi du, bere onerako. Segurtasun indarrek herria hartu dute asteburuan.
Istiluak, Torre Pachecon. Argazkia: Europa Press
Murtziako Torre Pacheco herria Estatuko lerroburuetan dago egunotan, eskuin muturreko taldeen eta auzokide migratzaileen arteko talkak direla eta. Atzerritar jatorriko auzotarrek bizilagun bati egin omen zioten eraso baten aitzakian hasi da indarkeria-oldea. Arrazakeriak eztanda egin du Murtziako herrian, eta ultraeskuinak egoera baliatu nahi du, bere onerako. Segurtasun indarrek herria hartu dute asteburuan.
Asteburuan sei pertsona atxilotu dituzte Murtziako Torre Pacheco herrian, azken egunetan izandako istiluak geldiarazteko egindako Polizia-operazioaren baitan. Mariola Guevara Gobernuak Murtzian duen ordezkariak baieztatu duenez, atxilotuetako bost espainiarrak dira, eta bat, magrebtarra.
Hiru adingabe daude atxilotuen artean, eta bizilagun marokoar bati eraso egitea eta kazetari baten soinu-ekipoan kalteak eragitea egotzi diete. Kazetariari ere eraso egin zioten, eta bi pertsona gehiago atxilotu zituzten, bizikleta-kaskoak modu susmagarrian zeramatzatela bide publikoan taldeka ibiltzen harrapatu zituztelako.
Ultraeskuineko taldeek migratzaileen presentziaren aurkako protestak egin dituzte Torre Pachecon, sare sozialetan zabaldu baitzen Magrebeko gazte batek 70 urteko gizon bati erasoa egin ziola.
Azken orduetan, Marokoko herritar asko bizi diren auzo batean, objektuak jaurti dizkiete Guardia Zibilaren agenteei. Gobernuaren ordezkariak zehaztu du erasoa egin duen taldea txiki zela.
Polizia-operatiboa indartu egin da, Udaltzaingoa batu baitzaio. Patruilak lanean dabiltza, segurtasuna bermatzeko eta istilu gehiago sortzea saihesteko.
Arlo politikoan, Sumarrek ikerketa bat abiatzea eskatu du, argitu nahi baitu loturarik ote dagoen sare sozialetan zabaldutako mezuen, VOX alderdiaren eta herrian izandako indarkeria-gertakarien artean.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".