Durangoko jaietan Udaltzaingoaren aurkako erasoa salatu du Udalak
Antza denez, txosnagunean, objektu zorrotzak zeramatzan pertsona batek mehatxu egin die hainbat gazteri. Udaltzainak bertaratu direnean, hainbat pertsonak botilak jaurti dizkiete.
Durangoko Udalak gaitzetsi egin ditu gaur goizaldean txosnagunean izandako gertakariak. Bertan, Udalak jakitera eman duenez, Udaltzaingoak esku hartu behar izan du, objektu zorrotzak zeramatzan pertsona batek hainbat neska gazte mehatxatu eta jazarri zituela ohartarazten zuten abisuak jaso ondoren.
Antza, agenteak bertaratu direnean, hainbat pertsonak polizia-ibilgailuak inguratu, udaltzainak iraindu eta botilak eta bestelako objetuak jaurti dizkiete.
Udalak babes irmoa adierazi dio Udaltzaingoari, eta udaltzainek beren eginkizunak betetzen dituzten bitartean "haien aurka egiten den edozein indarkeria- edo larderia-ekintza" gaitzetsi du.
"Pertsona guztien segurtasunak eta haiek babesteko lan egiten dutenen zereginarekiko errespetuak herritar guztien konpromiso partekatua izan behar dute, bereziki jai-giroan", gaineratu du udalak.
Zure interesekoa izan daiteke
Arrazakeriaren eta faxismoaren aurrean, kultur aniztasuna aldarrikatu dute Iruñean
14 urteko ikasle batek bi irakasle tiroz zauritu ditu Frantzia hegoaldeko institutu batean
219.000 pertsonak eskatu dute hitzordua Osakidetzan gripearen aurkako txertoa hartzeko
Tentsioa Soleko kanpaldian: ultrek arraultzak bota eta agur faxistak egin dituzte
Sute batek etxebizitza eraikin bat kiskali du Donostian
Inoizko bigarren irailik beroena izan da aurtengoa mundu mailan, Copernicusen arabera
Gizon bat atxilotu dute Dulantzin, borroka batean beste gizon bat ibaira botatzeagatik
Pertsona bat ospitalera eraman dute Donostian izandako sute baten ondorioz
