Lau lagun atxilotuta Belgikan, terrorismoaren aurkako operazio batean
Belgikako Polizia Federalak terrorismo jihadistaren kontrako beste operazio bat egin du gaur, 22 miaketa eginda eta lau lagun atxilotuta.
Herrialdeko Fiskaltzak jakinarazi duenez, Sirian talde terroristaren batekin aritzeko asmoa zuten atxilo hartutakoek. Operazioaren helburua, hortaz, ekintzaileak errekrutatu eta Ekialde Ertaineko herrialdeetara eramateko lanetan ari zen taldea desegitea izan da.
Urtarrilaren 15ean beste jihadismoaren kontrako beste operazio bat izan zen Belgikan, Verviesen. Orduko hartan, 13 lagun atxilotu zituzten, Belgikako Poliziaren kontrako atentatua egiteko zorian zeudelakoan. Ustezko ekintzaileen eta Poliziaren arteko tiroketetan, gainera, bi lagun hil ziren. Dena dela, Fiskaltzak zehaztu duenez, oraingo operazio honek ez du Verviesen egindakoarekin harremanik.
22 miaketa egin dituzte: lau Amberesen , 11 Masseiken (Herbehereekin muga egiten duen herrialdea), bi Houthalen-Helchterenen (herrialdearen ipar-ekialdean) eta bana Genken (ekialdea), Kinrooin (Herbehereekin muga hau ere) eta Bruselako Molenbeeken barrutian. Miaketotan ez dute armarik topatu
Atxilotutako lau lagunak epailearen aurrera eramango dituzte gaur bertan eta hark erabaki beharko du haien kontrako neurririk hartzen duen edo ez.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".