Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Ostegun honetatik aurrera, Espainiako herritarrak legez identifika daitezke telefono mugikorrarekin, MiDNI aplikazioari esker. Polizia Nazionalak bultzatutako tresna berri horrek Nortasun Agiri Nazionalaren (NAN) formatu fisikoaren berme berak eskaintzen ditu, hainbat egoera presentzialetan.
Hona hemen erabilera nagusiak:
- Administrazioaren edo notarioaren aurreko kudeaketak
- Hoteletako erregistroa
- Ibilgailuen alokairua
- Paketeak biltzea
- Botikak farmazietatik jasotzea
Horretarako, sistemak aldi baterako QR kode bat sortzen du, erabiltzailearen datuak modu seguruan egiaztatzea errazten duena.
Hala ere, oraingoz NAN digitalak ez du dokumentu fisikoa erabat ordezkatzen.
Zein kasutan ez du ordezkatzen?
- Atzerrira bidaiatzeko
- Espainiatik kanpo identifikatzeko
- Izapide elektroniko jakin batzuk egiteko
- Dokumentu fisikoa edo txipa behar den egoeretarako
Beraz, tresna osagarria da, ez erabateko ordezkapena.
Erabili ahal izateko, beharrezkoa da indarrean dagoen NAN bat izatea eta aldez aurretik erregistro bat osatzea, internet bidez edo polizia-etxe edo udaletxe gisa gaitutako puntuetan. Ondoren, erabiltzaileak aplikazioa deskargatu, bere datuak sartu, pasahitza sortu eta prozesua SMS kode baten bidez berretsi beharko du.
Sistemak hainbat informazio-maila eskaintzen ditu, beharraren arabera: oinarrizko adin-egiaztapena, NANeko datu guztien bistaratze osoa... Gainera, aplikazioak ez du informazio pertsonala gailuan gordetzen, datuak denbora errealean kontsultatzen ditu, eta horrek segurtasuna indartzen du.
Erakunde publikoek eta pribatuek hamabi hilabeteko epea izango dute formatu digital berri horretara egokitzeko, eta, epe hori amaituta, nahitaez onartu beharko dute.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.