Errua eta zigorra
Barack Obama Estatu Batuetako presidenteak adierazi du Al-Qaedaren aurka egindako erasoan, gidaririk gabeko hegazkinek, gerrillariek bahituta zeuzkaten bi pertsona hil dituztela, italiarra bata, estatubatuarra bestea. Hilketa aitortu ondoren, Obamak adierazi zuen erasoaren erantzukizun guztia berea zela, errudun nagusia bera dela.
2003an George Bush orduko presidenteak adierazi zuen Iraki buruz bere gobernuak zabaldutako informazio oker guztiagatik erantzukizuna onartzen zuela. 1988an Britainia Handiko armadako talde bereziek IRA erakundeko 3 ekintzaile hil zituzten Gibraltarren, oso gertutik tiro egin zieten eta ondoren lurrean zeudela buruan jaso zuten azken tiroa. Berehala Margaret Thatcher lehen ministroak adierazi zuen hilketa horren erantzukizun guztia berea zela eta goitik behera onartzen zuela horren ardura guztia.
Ordezkari politikoek sarri adierazten dute beraiek direla zerbaiten errudunak eta erantzukizun guztia onartzen dutela. Hori egiten dutenean txalotu egiten ditugu eta euren jokaera goraipatu. Baina zer esan nahi du erantzukizuna onartzeak? Horrek ba al du ondorioren bat? Gehienetan ez. Politiko horrek dimisioa eman lezake, baina erantzukizun hori gehienetan hutsean geratzen da onartu eta aitortutakoa izugarria izan arren.Ordezkari politikoek, baita beste alor batzuetan ardurak dituztenek ere, sarri erabiltzen dute 'nik kontzientzia lasai dut' esaldia. Itxuraz, hori esanda adierazi nahi dute ez dutela ezer okerrik egin, bestela urduri egongo zirelako edo gaizki egindakoaren zamak minduko lituzkeelako. Hala ere, behin baino gehiagotan egiaztatu ahal izan dugu delitu bera egin duten bi pertsonen jarrera eta jokaera zeharo ezberdinak izan litezkeela, bat erabat lasai egon liteke eta bestea damuaren harrak janda ezin bizi.
Psikologoek eta psikiatrek esaten dute basakeria beldurgarrienak egin dituzten gaizkileak sarri oso lasaiak izaten direla eta ez dutela oker jokatu izanaren sentimendurik. Gizakion jokaeraren ondorio psikologikoak jaso eta eraiki dugun moralak finkatzen ditu, batez ere, horregatik behar dugu legea, guztiok galbahe bera izan dezagun antzerako jokaerak epaitzeko.
Obama presidenteak erantzukizuna onartu du, Bushek kontzientzia lasai zeukan Iraken deabru guztiak askatu eta herri oso baten suntsipena eta sufrimendua eragin arren. Gure inguruan ere asko dira 'lo lasai egiten dutela' harrotasunez aldarrikatzen dutenak, baina gizakion jokaerak eta ekintzek, handienetatik xumeeneraino ondorio bertsuak izan beharko lituzkete ekintzailearen kontzientzia alde batera utzita.
Zure interesekoa izan daiteke
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.