Zaurituak artatzea eta onik daudenak erreskatatzea, lehentasun Nepalen
Nepalgo Gobernuak ezin du larunbateko lurrikarak herrialdean eragin duen triskantzaren norainokoa zehaztu. Asiako herrialde honetan asko dira urrutiko eremuetan bizi direnak eta dardarak hara iristeko bide guztiak suntsitu ditu. Hala, zauritutakoak artatzea eta eraikin hondakinen artean onik egon daitezkeen lagunak erreskatatzea lehenetsi du gobernuak.
"Ezin diegu lurrikararen ondorioei neurria hartu. Urrutiko eremuetako herri asko erabat suntsituta egon daitezke. Ez dakigu zenbat jende zegoen herriotan lurrikara gertatu zenean" esan dio Laxmi Prasad Dhakal Barne Ministerioaren bozeramaileak EFE albiste agentziari. "Hildakoak 5.000tik gora dira oraingoz, baina milaka gehiago izan daitezke", adierazi du Dhakalek.
Larunbatetik, 1.120 zauritu eraman dituzte Katmanduko ospitalera. Lurrikarak suntsitutako errepideak konpontzen dabiltza larrialdi taldeak.
Barne Ministerioak emandako azken datu ofizialen arabera, 5.000 lagun hil, 11.000 zauritu eta 450.000 lagun etxetik aterarazi ditu lurrikarak.
82 ordu hondakinen artean
Katmanduko eraikin baten hondakinen azpian harrapatutako gazte nepaldar bat onik erreskatatzea lortu dute gaur. Frantziako talde batek eta Nepalgo Poliziak atera dute 28 urteko Rishi Khanal. Hanketako bat habe batek harrapatuta zuen eta ezin zen atera, Nepali Times egunkariak jakinarazi duenez.
Eraikin berean zegoen beste emakume batek ez du horrenbesteko zorterik izan eta erreskate taldeek atera baino lehen zendu da. Astelehenean, 32 urteko paraplegiko bat onik atera zuten hiriburuan, hondakinen azpian 50 ordu izan ondoren.
Bien bitartean, zauritutakoak artatzeko nahikoa lan dute Katmanduko ospitaleek. Gainezka daude eta egunero dozenaka gaixo heltzen zaizkie.
"Kolapsatuta gaude eta Katmanduko haranetik datozen gaixoak heltzen jarraitzen duen bitartean", esan du Swoyam Prash Pandit medikuak. "Ez dugu dirurik behar. Bidali iezaguzue osasun materiala eta botikak", dei egin du.
Richard Brennan Munduko Osasun Erakundeko bozeramaileetako batek ohartarazi duenez, gaixotasun infekziosoak zabaltzeko arriskua handia da. "Kezkatuta gaude gaixotasun infekziosoen zabalkundearekin eta horri aurre hartzeko neurriak hartu ditugu. Erditu behar diren emakumeak baldintza onetan egiten dutela bermatu behar dugu", agertu du.
Madrilera heldu dira lehen aberriratuak
Katmandutik atera dituzten lehen espainiar herritarrak Madrilera heldu dira gaur goizean, 09:12 aldera. Indiatik Torrejon de Ardoz militar basera ekarri dituzte lehen 46 lagunak, tartean neskato bat eta haurtxo bi. Jose Manuel Garcia-Margallo Atzerri ministroa ere eurekin etorri da.
Beste 71 lagun daramatzan hegazkina arratsaldean, 17:00-18:00 bitartean, helduko da Madrilera, ministroak iragarri duenez.
Azken datuen arabera, Nepalen lurrikararen unean zeuden 83 espainiarren berri ez du Ministerioak. Katmandun hiru lagun geratu dira, tartean Iñigo Castiñeyra donostiarra, lurrikara baino lehen zauritutako mendizalea. Atzerri Ministerioaren arabera, ez du premiazko laguntzarik behar.
Albiste gehiago mundua
Gazako lurraldearen ia % 90 Israelen kontrolpean edo desplazamendu-agindupean dago
Israelgo tankeek Deir al Balah hiriko Al Baraka auzoari eraso egin diote, Armada sionistak Gazako erdialdean hiri horren aurka egiten duen lehen lurreko erasoaldiari ekiteko. Dagoeneko 59.000 pertsona baino gehiago hil dituzte Zerrendan. Igandean, 100 pertsona baino gehiago hil eta 1000 inguru zauritu zituen Israelek.
Gutxienez 19 pertsona hil eta 164 zauritu dira Bangladeshen, hegazkin militar bat ikastetxe baten gainera erorita
F-7BGI aireontziak Milestone School and College ikastetxeko bi solairuko eraikinaren kontra jo du. Eraikin hori Uttara auzoan dago, Dhaka hiriburuaren iparraldean.
Japonian agintean dagoen koalizioak gehiengoa galdu du behe ganberan, baina lehen ministroak jarraitzeko asmoa du
Alderdi Liberal Demokratikoak (PLD) eta Komeito alderdiak osatzeko duten koalizioak 47 eserleku eskuratu ditu, gehiengoa bermatzeko behar diren 50 horien azpitik. Gainera, eskuin muturreko Sanseito alderdia oposizioko hirugarren alderdia izatera iritsi da, 14 ordezkari lortuta.
Shein eta Temu Europar Batasunaren ikerketapean, toxikoak dituzten produktuak saltzen ote dituzten argitzeko
Susmopean daude, adibidez, haurtxoentzako xirak , kimiko toxikoak omen dituztelako.
Laguntza jasotzeko zain zeuden 81 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".