Ahaztutakoak
Denbora azkar doa. Iraganak atalik gabeko zirriborroa dirudi askotan, ondorioz, oroimenak nahastu eta korapilatu egiten zaizkigu. Denbora bezain azkar dihoazkigu egunerokotasuna osatzen duten albiste eta gertakariak, horregatik une batean albiste garrantzitsuena dirudiena erabat ezabatzen da handik gutxira. Baten batzuk gogoratuko dira aspaldi samar Biafra gosearen adierazle zela, Vietnam gehiegikeria eta eromenaren irudi, Ekialde Hurbila borroka guztien arrazoi eta eragile.
Geroxeago horma eta hesien erorketa askatasunari lotuta zeudela ikasi genuen, eta Irak eta Afganistan amaierarik gabeko gerraren sinonimo bihurtu zitzaizkigun.
Baina, badirudi garai haietan denboraren abiadak beste logika bat zeukala, ordua orduaren atzetik zihoala, eguna egunaren ostean eta hilabete baten ondoren hurrengoa zetorrela. Orain, aldiz, denbora mugarik gabe azaltzen zaigu eta agian horregatik gertakariak non eta zergatik izan diren jakin baino lehenago iragana bihurtzen zaizkigu.
Baina, badira herri eta egoera batzuk beti denboran galduta azaltzen zaizkigunak. Zein gogoratzen da Somalian infernua orain dela 23 urte gauzatu zela eta sute hartan 10 milioi pertsona bizi direla inongo itxaropenik gabe? Kongon gerra eguneroko kontua bihurtu da, eta gosea, eta gabezia … baina, noiz azaltzen dira albiste nagusietan?
Ertamerika eguneroko albiste izan zen orain dela urte batzuk, sandinistak Nikaraguan, Farabundo Martí El Salvadorren, indigenen aurkako sarraskiak Guatemalan … baina, gaur egun zeinek daki han zer gertatzen den?
Desegindako herrialdeak dira, drogak, indarkeriak, ustelkeriak eta langabeziak denboran atzera eraman ditu bertako biztanleak, eta, gaur egun, albiste zirenean baino okerrago bizi arren ez dira inon azaltzen. Sahara eremu zabala da, hondar eta lur anonimoz betea, baina Mendebaldeko txokoan gutariko edozein baino zaharragoa den gatazka ezaguna bizi dute. Ez da konpondu eta ez dute konponduko 200 mila lagun azken 40 urtetan azukre tontorren gisa euri pean desegiten diren txaboletan bizi arren.
Esan ohi da hildakoak bizirik irauten duela norbaitek gogoan duen bitartean. Munduan asko dira itxuraz bizirik izan arren bizitza deitzen dugun honetatik aspaldi joan zirenak, inor ez delako beraiez gogoratzen.
Zure interesekoa izan daiteke
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.