Thailandiak astelehenera arte eten du erreskatea, lau ume atera dituztela baieztatuta
Salbamendu-taldeak astelehenera arte eten du Tailandia iparraldeko leize batean bi aste harrapatuta daramatzaten pertsonen erreskatea. Oraingoz baieztatutakoaren arabera, lau mutil atera dituzte.
Narongsak Ossottanakorn erreskate talde bozeramailearen esanetan, ibilbidean dauden aire konprimatudun bonbonak berritzeaz gain, operatiboaren fase berria ebaluatu behar dute. Bihar ekingo diote berriz lanari.
Gaur abiatu dute Thailandiako leize batean bi aste harrapatuta daramatzaten 13 pertsonak erreskatatzeko misioa, agintariek jakinarazi dutenez.
Atzerriko 13 urpekari eta Thailandiako itsas armadako (Navy SEALS) bost kide ari dira umeak handik ateratzen saiatzen, ia ikusten ez diren eta urpean dauden pasabide estuetatik. Aste honetan, itsas armako kide bat hil zen han zebilela.
"Gaur goizeko 10:00etan 13 urpekari aditu eta itsas armadako bost kide sartu dira leizean", iragarri du Narongsak Osottanakorn misioaren buruak.
Erreskate taldeko kideek leize barruan igeri egiten erakutsi diete umeei. Banan-banan atera beharko dute, bina urpekariren laguntzarekin.
Azken egunotan, urpekariek sei ordu eman dituzte urak hartutako pasabideak igarotzen hamabi umeak eta entrenatzailea dauden tokira iristeko, eta beste bost bueltatzeko.
Kobaren kanpoaldean, kanpaina ospitale bat ez ezik, hamahiru anbulantzia eta helikoptero daude haien zain. Misioaren arduradunak larunbatean ohartarazi zuenez, "denbora-mugatua" dute 13 pertsonak handik ateratzeko.
Tham Luang leizera ibilaldia
Umeetako baten urtebetetzea ospatzeko Thuam Luang kobara irteera egitea erabaki zuten; txango gisa hasi zena, ordea, herrialdean inoiz egin behar izan duten erreskate zailenetakoa bihurtu da.
"Unerik zailena berriz euria egiten duenean iritsiko da, denbora mugatua baita", azaldu du Osottanakornek. Arriskua ahalik eta gehien gutxitzea dela asmoa ere argitu du. Besteak beste, kezkatuta agertu da leizearen barruan oxigeno maila gutxitu daitekeelako.
Erreskatea egiteko hainbat aukera aztertu dituzte. Batetik, harrapatuta dauden gazteei hainbat hilabetez bizirauteko oxigenoa eta janaria ematea, Thailandiako euri-denboraldia amaitu arte. Bestetik, koban sartzen den baltsa bat eraikitzea ere pentsatu dute, handik ateratzeko.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".