'Brexit' hitzarmen berriaren aldaketa nagusiena
Irlanda bien arteko mugetan ez da kontrolik ezarriko brexita indarrean sartzen denean, Europar Batasunak eskatzen zuen moduan. Theresa May lehen ministro ohiarekin lortutako akordioan ere ez zegoen muga kontrolik, baina beste sistema batekin.
Sistema konplexu baten bidez saihestuko dira muga kontrolak Irlandan.
Mayrekin adostutako akordioan, Erresuma Batua osoa Europako muga sistema zergaren barruan geratzen zen (hori zen euroeszeptikoen oztopo nagusia). Akordio berriak, berriz, Erresuma Batua muga sistematik aterako du.
Beraz, Ipar Irlandak soilik jarraituko ote du Europako muga zerga sistemaren barruan eta merkatu bateratuan? Praktikan bai. Aldi berean Britainia Handiko muga zergen barruan ere geratuko da, Londresko Gobernuak beste munduko herrialdeekin lortuko dituen akordioen etekinak ere izateko.
Baina Britainia Handiko, edo beste herrialde batzuetako produktuak, esaterako Amerikako Estatu Batuetakoak, Ipar Irlandatik Europara muga zerga ordaindu gabe sartu ez daitezen, kontrolak ezarriko dira Ipar Irlandako portuetan. Irlandako Errepublikarako bidean joango diren produktuek ez dute mugan kontrolik jasango, eta Ipar Irlandan geratuko zaienei ordaindutakoa itzuliko zaie.
BEZa
Britainia Handiak Irlandako Errepublikan indarrean dagoen BEZ zerga maila berbera jarriko du.
Ipar Irlandako Batzarraren beto eskubidea
Ipar Irlandako parlamentuak sistema hau indargabetu ahal izango du gehiengo soila 2020an amaituko den trantsizio epea bukatu eta lau urtera, ordurako Erresuma Batuak eta Europar Batasunak merkataritza librerako akordio bat ez badute lortzen.
Agiri politikoa
Akordio horrekin Boris Johnson lehen ministroak konpromisoa hartu du etorkizunean merkataritza librerako akordio bat negoziatzeko. Hau da, Erresuma Batuko ekonomia alor ezberdinak Europar Batasuneko baldintzetara egokitzeko.
Konpromiso horrekin Johnsonek alde batera utzi du Erresuma Batua paradisu fiskal bihurtzeko meatsua. Beraz, Tamesis ibaiaren ertzetan ez da Singapur berri bat sortuko.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.