Laboristek hauteskunde programa erradikala onartu dute
Jeremy Corbyn buruzagi laboristak bere burua neutraltzat jo du Brexitaren eztabaidan. Baina gai honek dena betetzen duen hauteskunde kanpaina honen erdian berak gidatzen duten alderdi Laboristak Munduko Bigarren Gerraz geroztik izan duen programa erradikalena onartu berri du Birminghamen.
Programa hau etxebizitza sozialen eraikuntzan oinarritzen da batez ere. Izan ere, prezio egokia duen etxebizitzaren krisia oso larria da Erresuma Batuan. Milioi bat familia baino gehiago etxe merkeagoa lortzeko zain dago. Beraz, programa honetan etxebizitza sozialek lehentasuna dute.
100.000 etxebizitza sozial egingo dira urtean
Hori aurrera eramateko 75.000 milioi libera (88.000 milioi euro) jarriko ditu alderdi Laboristak datozen bost urtetan. Urtero 100.000 etxebizitza eraiki nahi dituzte. Iaz, 6.287 etxebizitza sozial soilik egin ziren.
Eraikinen segurtasun neurriak zorrotzagoak izatea ere aurreikusten da. Horrela, 2017an Grenfell eraikinean izandako sutearen antzeko ezbeharrak ekidin nahi dira. Hori guztia CO2 isurketen maila igo gabe eta eremu berdeak murriztu gabe lortu nahi da. Hori da aurkeztu den hauteskunde programako helburu nagusienetako bat. Laboristen arabera, programa “itxaropentsua” da.
Bertan beste neurri hauek ere aurreikusten dira:
-Orduko 10 liberako (11,70 euro) gutxiengo soldata langile guztientzat. Oraingo gutxieneko soldata 8,21 liberakoa da.
-Lau eguneko lan astea.
-Trenbide, posta, ura eta energia azpiegituren bernazionalizazioa.
-26.000 milioi libera (30.000 milioi euro) osasun sistemarentzat.
Nola ordainduko da hori guztia?
Zerga handiagoak jarriz bigarren etxebizitza duten jabeei, enpresei eta finantza operazioei. Baita iruzur fiskalaren aurkako borroka zorroztuz ere.
Programa hau aurrera eraman ahal izateko alderdi Laboristak abenduaren 12ko hauteskundeak irabazi beharko ditu lehenik. Boris Johnson lehen ministro kontserbadoreak sinesgarritasuna ukatu dio laboristen programari. Hala ere, Corbinek erreforma hau proposatuz beste helburu bat lor dezake, hain zuzen ere britainiarren arreta Brexitaren eztabaidatik desbideratzea.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.