Zatiketa Arabako Podemosen, aurrekontuen bozketa dela eta
Arabako Batzar Nagusiek 2017ko aurrekontuak onartuko dituzte aurki. EAJk, PSE-EEk eta EH Bilduk alde bozkatuko dute, eta Podemos abstenitu egingo dela iragarri zuen. Alabaina, azken alderdi horren baitan barne zatiketa agerian geratu da azken orduetan. Izan ere, Arabako Podemosen zortzi batzarkideetako lauk ez dute onartu zuzendaritzatik "inposatu" dieten erabakia, zuri bozkatzearena, eta Arabako Zirkuluei hitza ematea eskatu dute.
Lau batzarkide kritikoek (Koldo Martin, Javier Bizarro, Juanjo Celorio eta Dani Trujillano) prentsaurrekoa eskaini dute astelehen honetan euren jarrera azaltzeko. Horien hitzetan, "Ahal Dugu Batzarkide Taldearen bozeramaileak egoera larria eragin du alderdiarengan, Hiri Kontseilu Autonomikoaren Koordinazio Batzordearen babesarekin".
Lau batzarkideon aburuz, EAJk eta PSE-EEk 2017rako aurkeztutako aurrekontuak "iazkoen ildotik doaz", eta gogorarazi dutenez, Podemosek osoko zuzenketa aurkeztu zuen orduan. "Euskadiko Koordinazio Batzordeak abstentzioa inposatu digu, eta kontra gaude", nabarmendu dute.
Bizkaian eta Gipuzkoan EAJren aurrekontuen kontra bozkatuko du Podemosek. Araban, berriz, bestelako jarrera hartzeko negoziazio prozesuan parte hartu ez dutela eta horren berri izan ez dutela salatu dute kritikoek.
"Bozeramaileak negoziatu du, taldearen oniritzia izan gabe. Eta ezin izan dugu idazten hasiak ginen osoko zuzenketa aurkeztu", salatu dute.
Zuzendaritzak "inposatutako" erabaki honen aurrean, Arabako Zirkuluen parte hartzea aldarrikatu dute lau kritikoek. "Hitza eman behar zaie Arabako Zirkuluei. Zuzen ez gaudela eta abstenitu behar garela badiote, entzun egingo diegu", adierazi dute.
Alderdiaren jarrera ofiziala
Haren kontra adierazitakoen aurrean, alderdia zatitu nahi izatea leporatu die kritikoei Arantza Abecia Arabako Batzar Nagusietan Podemosek duen bozeramaileak. Horren arabera, aurrekontuak "aitzakia perfektua" izan dira "zatiketa agerian uzteko". Abeciaren hitzetan, sektore ofiziala saiatu da "egoera zuzentzen, baina ezinezkoa izan da".
Arabako Batzar Nagusietako Ahal Dugu Batzarkide Taldeko bozeramaileak nabarmendu duenez, aspaldikoak dira desadostasunak, "legealdi hasieratik". "Saiatu gara, ni neu ere bai, egoera zuzentzen, baina ezinezkoa izan da. Pertsona horiek aurrekontuak aitzakia gisa erabili dituzte zatiketa agerian uzteko, eta biktima moduan agertzeko", erantsi du.
Lander Martinez Podemosen Koordinazio idazkariak eta Arantza Abeciak berak prentsaurrekoa eskainiko dute gaur alderdiaren jarrera ofiziala zein den azaltzeko.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.