Urkullu: 'EAJk huts egin zuen indarkeriarekin argia ez izateagatik'
ong>Iñigo Urkullu EAJren lehendakarigaiak onartu egin du "huts egite" bat izan dela bere alderdiak, iraganean, terrorismoaren kontrako oinarri etikoak modu "argian" eta "irmoan" onartu ez izana. Horrezkero, huts egitea "konponduko" duela esan du.
Urkulluk Tolosan (Gipuzkoa), euskal hauteskundeen inguruan, egindako hauteskunde-ekitaldi batean zabaldu du gogoeta; bertan, EAJk bere programan elkarbizitzari eta bake prozesuari buruz agertzen den guztia azaldu du.
Buru nazionalistak esan duenez, "ez da aberririk, ez erlijiorik, ezta ideia politikorik ere gizakien odol jarioa justifikatu dezakeenik. Ez da ideologiarik ezberdin pentsatzen duena suntsitzea ahalbidetzen duenik".
"Beharbada geure oinarri etikoen eta politikoen onarpen erradikala egin ez izana iraganean, argitasun horrekin, geure errua izan zen, gaur egun geure eginbeharra da zuzentzea", adierazi du Urkulluk, eta EAJk "eragindako mina onartu" behar duela gaineratu du.
Bestalde, euskal gizartearekin batera, bakeagatik, bizikidetzagatik eta adiskidetzeagatik itun nazionala lortuko dela azpimarratu du EAJko hautagaiak, "herrialdeak hori merezi duelako". "Itun hau biktimen memoriak, Euskadi bakean ezagutu ez dugunok eta, guztion gainetik, geure seme-alabek eta ilobek merezi dute", azaldu du.
EAJko EBBko presidenteak hirugarren Bake Planarekin konpromisoa erakutsi du, berak jasotzen dituen eskaera guztiak hartzen dituena. Halaber, bakearen inguruko batzorde txostengilea berriro ere irekiko duela esan du, ondorioen inguruko adostasuna haztea bilatzeko, hautatutako legebiltzarkideen ehuneko ehuna lortzeko.
Goizeko ekitaldia
Iñigo Urkullu EBBren presidente eta EAJren lehendakarigaiak ‘pentsio minimoak’ bermatzeko 50 milioi euroko funtsa sortuko duela agindu du, alderdiak Gasteizen egin duen ekitaldi batean.
"Gizarte laguntzei bideratutako programen barruan egongo den funtsa sortuko dugu, minimoa kobratzen duten alargunek eta pentsiodunek pentsio handiagoa izateko", adierazi du Urkulluk. Halaber, Gernikako Estatutuak jasotzen duen bezala, Euskadik Gizarte Segurantza kudeatzeko gaitasuna izatea aldarrikatu du lehendakarigai jeltzaleak.
Elkarrizketa ETBn
Lehendakari bada administrazioan eta enpresa publikoetan murrizketak egin beharko dituela onartu du Urkulluk, baina neurriok funtzionarioen lan-baldintzetan eraginik izango ez dutela zehaztu du. Murrizketarik egingo ez duela esaten duena "gezurretan" ari dela esan du EAJren lehendakarigaiak eta, horren ildoan, bere alderdiak pentsioak, hezkuntza, osasuna eta zerbitzu sozialak bere horretan utziko dituela nabarmendu du.
ETBri eskainitako elkarrizketan, PSE-EEren Gobernuak bere jarduna 6.000 milioiko zorrarekin amaitzea aurreikusten duela esan du: "640 milioi euroko zorra zegoen Lehendakaritza hartu zutenean, beraz, 10 aldiz handitu da zorra".
Halaber, Jaurlaritzaren jarduna "hipotekatuta" dagoela adierazi du; finantza karga 400 milioikoa da gaur, 700 milioikoa izango da 2014an, eta 800 milioikoa, 2015ean, EAJren lehendakarigaiaren esanetan.
Informazio osagarria: Urkullu Euskadi Pregunta saioan
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.